bb增重問題

多謝大家o既意見呀, 可能o個日我放假自己幫個女沖涼見到佢咁"骨感"有d心痛....
根據大家咁講, 我諗我都係唔使心急帶佢睇醫生, 係咪?

大家好！增重真是好多人關心的話題。

這裡給大家一個參考：
在頭1-3個月，寶寶的生長很快，到３﹣１２個月，生長會減慢，是正常。平均來說，
母乳寶寶大約會在5-6個月時雙倍出生的體重。而到12個月時，平均大約2.5倍出生的體重，長高50%及頭圍增加33%。（１）
即是說，如果寶寶出生時6磅，在六個月時有12磅，在十二個月時有15磅，已是相當的標準了！
參考（１）：Nancy Mohrbacher, 2010, Breastfeeding Answers Made Simple, p204, Hale Publishing

生長線呢家野，我勸大家都係忘記佢把啦 要知道每個BB都係獨特嘅，只要無病無痛，就唔駛咁在意呢D‘參考’嘅線。
我個女成九個月都唔識爬，十個月識企先開始爬，係倒轉嚟嘅。但醫生無話有問題，我甚至聽過D老人家話有BB係完全唔爬添！
人奶，係最tailormade嘅食物，唔駛擔心自己嘅奶唔夠營養，因為擔心只係會影響自己。反而努力D食多D有營養嘅野（但唔係肥嘅野），比如生果蔬菜同適量嘅飯同肉類，唔好因為KEEP FIT而戒口，瞓多D，放鬆D心情，開懷咁餵，BB同媽咪都會開心同ENJOY好多
我個女食奶都有一排好似人地減肥嘅「平原期」架，但之後佢自己又密密食番多D。其實人奶B好醒嘅，會自我調節食量，做媽咪嘅根本唔駛擔心夠唔夠奶（因為佢地想食多D會食密D，食長D，幾日就可以追番夠奶架喇）
放鬆心情，諗下點食好D，食精D，休息多D，令自己健康D仲好啦！
努力

teresa

Hi charlottechy,

其實生長線係一個參考，是否爸爸媽媽係苗條一族。體重係有增加，只係比較緩慢。我囡囡都試過半年只係增加2-3磅，但最重要係乜病痛，而且食得玩得訓得柯得。

爬真係每個bb都唔同，我囡囡就係唔識爬的一位，當佢開始識得行時(大約13個月)，但佢又未有足夠信心行，佢反而會爬過門，再行，我都睇到傻咗。未出牙仔咪仲好，埋身餵，減少d機會咬痛你。而且我囡囡都係十個月出才出仔，唔洗擔心。

媽媽有均衡飲食，一定唔會唔夠營養，而且bb也開始進食固體食物。你可以試下同佢玩多d，等佢肚餓食多d，瞓多d，慢慢就會長肉。

努力加油!!!

好開心，係餵奶的路上給我好多次唔同的機會，有單胎，有孖胎，有順利，有麻煩，有全埋身，有全泵，令我可以能體會到不同奶媽的辛酸。

第一胎，餵到囡囡三歲，在三歲生日那天自然離乳。第二胎係龍鳳胎，初頭５個月係一齊餵的全埋身，但返了工後，細孖唔要埋身，只好轉全泵，又係另一種的體驗。唔知第二胎可以餵到幾耐。

同大家一齊努力！！

charlottechy,

妳BB 4個月大就有12 磅,相信當時妳都一定好自豪吧.
現在也明白妳擔心的所為何事.
有姑娘講過,有部份BB 因為早期生長快,到左一段時間就會慢番落黎.

其實,BB既生長,真係有時快D,有時又慢D.BB 依家未出牙都吾算係吾正常既.
至於吾識轉身,亦同媽媽返左工,少人同佢玩,又或者著衫多左有關既.
我仔仔以前5個月大時係會自己轉身,但係到左6個月時天氣凍好多,著多左衫,竟然有一排吾識轉身啊.