You are here討論區 / 早產及0 - 2 個月寶寶 / 乳頭大, bb含唔到乳頭埋身食唔到奶, 怎辦?
乳頭大, bb含唔到乳頭埋身食唔到奶, 怎辦?
不用唔開心...一定不是您的問題,我也有兩個小孩,第一個都係唔成功餵人奶,因為佢的性格同第二個真的很不同,是一個很不耐煩的BB,加上我第一個沒經驗. 但第二個真的好好多,BB本身都很努力嘗試. 我真的很相信BB性格都會影響到的,尤其是我地依乳頭大到不是任何B都食得落.
係呀,上次唔記得叫您要在餵之前如果谷到硬要,擠走D奶令乳雲打後最好1吋都是軟的,另外入佐口後都要用手指按住佢下唇那邊的乳房,可以幫佢個咀冇咁易走位.
我BB出世頭兩星期都成日體重下降,我都好擔心,我估都係因為佢啜得唔好,成日只含到個頭,最後我都只係不停泵出來餵,不過用佐swing(泵時都貼個喇叭,不過好少少),同時keep住要佢學啜...依家仲有一星期就兩個月,佢個咀大佐,啜得醒佐,而我個乳頭又好似比初初軟佐,所以好好多...不過因為大仔呷醋,所以我都唔係全埋身,都要飲pump奶,好在佢都仲肯啜我果個...所以真係睇BB性格.
不用太擔心...過多一個月會好些,也不要拘泥於係咪飲pump奶,那都是人奶來的...放鬆D,埋身都會埋得好些呢!
[quote=roytammi]我之前就係用電泵試過泵出黎, 但之後個乳頭腫哂同硬咗, 之後都係改返用手直接揸出黎, 但係唔知點解覺得奶量少了, 而家我都有埋身餵B, 但佢含得唔入又食唔飽, 每次都要再用奶樽補奶, 真係好灰!!! 我第一胎時餵到一歲都無問題, 但呢胎一開始就咁, 而且又怕B仔體重下降, 真係好唔開心!!! :sad:[/quote]
如果乳頭太大,在開始時會有點困難,但等寶寶大些,自然無問題,所以現在的情況是暫時性,一定會過去。
有些媽媽會在寶寶含入時,用手摺埋乳頭上方,讓寶寶含入多些乳頭下方而含得入一些。
又或者用半躺的姿勢餵,寶寶扒在媽媽身上吃,有可能即使含得不是太入,但也會吃得好一些。
如果寶寶始終吃得不多,便可以擠奶再用杯仔餵。以保持奶量及避免乳頭偏好。
roytammi,
有時,會因為吾同既bb,有吾同既習性,於是湊佢地既方法都會有d吾同.
餵人奶都一樣,就是媽媽是同一人,可能因為大細b既習慣吾同,反應吾同,而令媽媽感到好頭暈吧!
既然有過頭一次的成功經驗,相信妳餵哺技巧還是很熟識的.只是可能這個bb較為接受奶嘴的餵法,一心要等食奶瓶,故此有乳頭混淆了.
加點耐性,等細b的嘴張得夠大,才攬埋身.如發覺bb埋身食時,都不太肯用力食,那可能真是有乳頭混淆了.那麼就要減少用奶樽的次數,改以杯仔/匙羹仔/針筒等來餵奶了.
roytammi您好!
不如你預約屋企附近的健康院,餵奶比姑娘睇,如果BB食得唔好,姑娘會教番你糾正姿勢。
乳頭大而令BB 食唔到奶,有時是因為媽媽奶水多,谷到乳頭漲起來,可在餵之前擠些少奶出來,一來減輕漲奶,二來可吸收BB 繼續吸吮。
希望幫到你。
哺乳圍巾,送禮自用皆宜,所有收益撥捐推廣母乳,歡迎選購。
我之前就係用電泵試過泵出黎, 但之後個乳頭腫哂同硬咗, 之後都係改返用手直接揸出黎, 但係唔知點解覺得奶量少了, 而家我都有埋身餵B, 但佢含得唔入又食唔飽, 每次都要再用奶樽補奶, 真係好灰!!! 我第一胎時餵到一歲都無問題, 但呢胎一開始就咁, 而且又怕B仔體重下降, 真係好唔開心!!!
我情況同您一樣,我都係汞出來餵住先,同時一路train佢埋身,堆身前如果好谷,一定要jit走些至乳雲都軟先入口,因為太硬,更加啜唔到...到依家1個半月,情況好好多,不過好多時都只係含住個頭,我就'抺'佢下唇乳雲入佢口,等佢啜得好些.
不過您都要小心,個pump口如果太窄,好易令個乳頭腫,更加大. 我之前用medela mini pump 就係太窄,依家用佐swing 好小小,同埋swing好似可以轉闊口.
食之前用手拉扯乳頭,等bb易d入口.
bb大得好快,好快佢個人大咗, 頭大咗,連個咀仔都會大埋就冇問題喇.
有時泵會泵到大咗,咁就要留意下係咪個喇叭唔太fit你.
加油呀!
szeka
一路泵, 一路試埋身餵. keep住奶量先! 慢慢嚟, 唔好心急.
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
bb剛出生數天, 一直想埋身餵哺,
但醫院姑娘見到我話乳頭大, bb含唔到未能成功埋身餵哺,
心情很沮喪, 唔想每次都揸出以奶樽餵,
有沒有人有好建議???