BB14個月，泵奶發覺無咩人奶，點算？
2010/11/07/ - 00:47
#1
同意,我B都15個月大,早午晚三餐(他還要是跟大人吃飯),
同意,我B都15個月大,早午晚三餐(他還要是跟大人吃飯),我的奶早已變了他的小食和甜品了.我完全不理會我有多少奶他吃多少奶,因為我肯定他現在是靠固體食物來吸收營養了.
2010/11/06/ - 12:28
#2
"其實泵出嚟同bb埋身食，其實個量係咪一樣呢"
"其實泵出嚟同bb埋身食，其實個量係咪一樣呢" D個問題可以好肯定咁答你，係一定唔一樣的，泵始終係一個機器，只能夠做到吸的功能，而BB係"生"的，佢的咀仔，唔單只吸、仲要啜，而係吸啜的動作之中更加可以為媽媽的大腦提供訊息，指示乳房製造乳汁，因此泵出黎往往係唔夠BB埋身食咁多的。
其實BB都14個月大啦，見佢個SCHEDULE都食好多固體食物，營養來源唔係再單靠母乳架啦，所以BB輕咗，唔可以只歸因於佢唔夠奶食，要睇埋其他嘢，例如佢食固體的量多唔多啦、夠唔夠多元化啦，食的時候又係唔係好認真，會唔會食幾口就唔食.....等等的問題你都要去了解一下。
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
BB出世到宜家都係食母乳，坐月後因為番工，所以日頭泵出嚟(每日泵到約250-300ml)，夜晚就埋身餵。
十個月後，就改咗全部埋身餵，全日埋身餵三餐，到咗一歲，就全日埋身餵兩餐
她現在食嘢的PATTERN如下：
10:00AM 面包 + 乳酪
1:00PM 粥
4:30PM 生菓
7:30PM 埋身餵奶
8:00PM 粥
11:00PM 埋身餵奶
但近日因夜晚番工既緣故，又要再泵出嚟，約黃昏時間試泵時，發現只係泵得70ml，咁我就諗，係咪一路以嚟 (無用pump之後)，其實佢都係食得咁少呢？怕唔怕呢？佢已經只係食得兩餐奶，仲要兩餐奶都係係夜晚，原來仲要得咁少，怕唔怕唔夠營養呢？而且，佢出世時係中碼偏細b，後來，跌吓跌吓，變咗輕b，宜家14個月都係得18.2磅，會唔會係因為唔夠人奶，所以唔夠營養呢？
唔好意思，好多問題，因為好擔心﹗另外，想問吓，其實泵出嚟同bb埋身食，其實個量係咪一樣呢？即係，我泵得70ml，係咪代表阿b埋身都只係食70ml呢？
謝謝﹗