如果泵奶多埋身少會否影響奶量..?

我係餵一邊的~~
而家BB已經6個WEK, 同如果我而家先唔補奶, 佢有NEED 充埋身..身體會唔會適應唔到, 做唔切奶...?我驚身體已經調節左..做唔到更多奶出黎, 頻繁餵哺 都無用...

linglam1010您好！

BB 的增重紀錄係點呢？一般來說，唔會以BB 的食奶時間來計BB 有無食飽，因為每個BB 的吸吮力度不一，習慣又唔一樣，正如有ｄ人食飯食得快，有ｄ人食飯食得慢一樣。而要知道BB 有無食飽，最客觀的方法是觀察增重紀錄，重得好就代表BB 食飽，媽媽奶量很好。

如果餵完奶仲有奶泵得出來，證明你奶量好好，唔需要擔心奶量了。反而是BB睡半小時就醒，係咪你抱住佢睡著覺，之後擺到佢半小時就醒呢？呢個好常見，因為BB 鐘意大人抱住，又暖又有安全感，而BB的睡眠會比大人淺，所以易醒，一旦發現自己無人抱就會喊出來。下次你不妨讓BB 打側身睡覺，等BB 有安全感，無咁易醒。

餵得密或是BB 已滿月的話，前者是因為餵得密，較少機會漲奶，後者是因為身體已經知道BB 的食量，會按需要分泌母乳，以避免媽媽因漲奶而產生塞乳腺或乳腺炎。

szeka您好！

唔自己離口食到睡著覺，一來可能BB 真是太累要睡覺，二來是因為著衫多，如上有媽媽抱住，又有得吸吮，食食下就不知不覺睡著覺。

如果你拉開佢咀仔又無喊，其實都代表BB 已食飽，可以拍下patpat、搖下BB 的方法再"暗" BB 睡覺。

哺乳圍巾，送禮自用皆宜，所有收益撥捐推廣母乳，歡迎選購。

我會係佢食完之後會泵奶..都會有奶出...同埋泵完要唔要用手擠出黎...?係唔係要清空佢會好D..?定由佢...因NURSE 同我講要清空佢...身體先會有SIGNAL 知道要多D奶...
我好少有谷奶現象...我驚係回奶...什至下降至無奶...

大家都說'BB 食飽會自己離口唔食', 不過我bb已經2個月大了,印象中佢從未試過在清醒的情形下自己離口的,次次都係瞓著了,有時係溜了出來, 我見食左都過25mins , 咁就唔再整醒佢.大多數時間係佢瞓了,我就用尾指撩開佢咀仔放出來.通常佢即使醒返都冇喊. 不過都會頭擰擰的想搵食咁, 如果再俾佢又會再啜..我好多時都諗佢會唔會其實係唔飽, 只係啱啱止到肚餓呢? 一諗到咁就覺得佢好似好可憐, 長時間處於唔夠飽的狀態.於是我好多時都餵多個30mins. 咁嘅諗法已經2個月了,bb又好似有重又有高,咁點解佢唁會自己離口呢 ??

szeka

佢會自己離口...不過唔知佢係因為飽還是累了...我驚而家唔餵佢.佢會每半小時醒一次...噤佢食10-15MINS 又訓..同埋黎個餵食時間表已經做左5個WEEK左右, 會擔心佢唔飽..而我又增唔到奶
而且我遲少少就要反工...希望可以增到奶...

如果只係用泵...會唔會無奶...?

linglam1010您好！

餵母乳的大原則是按需要餵哺，BB 食飽會自己離口唔食。如果BB 食完15分鐘就唔食，你是餵一邊還是餵晒兩邊？因為BB 自己離口，代表BB 食夠。你現在是每四小時餵一次奶嗎？最好按BB 需要來餵，常見的是大部份BB 都需要每兩三小時食一次奶。

要增加奶量，最佳的方法是頻繁餵哺 + 充足休息 + 輕鬆心情，因為BB的吸吮是最刺激母乳分泌的，若不是要上班儲奶，或要用BB 分開，可以將奶泵放埋一邊，讓自己能有充足的休息。