餵人奶問題

Teresa,
唔該哂你的解答呀!
選擇咗行母乳呢條路
預咗做bb的人肉奶咀的啦
希望如你所講佢大少少會好啲啦
我會加油的
thanks

未必係BB唔夠飽，可能性有幾個：
1 因為BB太細，想人抱住瞓（呢個係最常見嘅），測試好簡單，你睇下佢係咪一抱住就瞓得耐咪知囉！
2 BB食食下攰得滯瞓左，但醒番又發覺自己未係咁飽，就揾奶飲（呢個都好常見，就算BB再大D都會有咁嘅情況），若果係咁，你要R下佢腳仔，迫佢食多D先瞓
3 BB其實由頭到尾都唔餓，只係想‘妹’住你瞓，但一放口，無耐就醒番，又要‘妹’番媽咪先瞓到，成個過程根本無食乜滯。呢個最最常見，你唔見果D食奶咀嘅B，一跌左奶咀，無耐就醒然後喊，質番奶咀先瞓咩？

你個BB咁細，幾個可能都有，但只要每日有4﹣6條濕片（重手嘅），就表明佢夠奶食夠飽（唔駛理大便，人奶B好DIVERSE，我個女到六個月都係一餐一次，一日十幾次都好正常，但亦有D B一星期一次，全人奶，醫生亦話正常）
若果佢夠濕片，就排除左唔夠飽嘅因素，接落嚟你就要接受佢係想人抱或者想要妹住你瞓嘅現實。因為BB仲細，我個女當時都係咁，所以除左你好狠心咁‘教’佢食奶咀，否則，你只能做人肉奶咀。
但放心，好多BB大大下，適應左周圍環境，就會無咁痴身。我個女三個月後只係要抱住瞓，妹自己條脷就OK，唔駛下下要我。
希望你順利餵奶啦！

teresa