You are here討論區 / 3 - 5 個月寶寶 / 北京工幹如何儲奶
北京工幹如何儲奶
Steplim,
非常感謝你的回覆和支持。那最好是第二天的做冰奶,第三天的做雪奶。幸好我北京office有冰格,不過每泵兩次就要運送去比較麻煩。盡力而為啦!
我估計我倒掉超過100支人奶。實感可惜。下次試下搽皮膚。haha
Hi Muily,
好開心見到你為你囝囝而好努力餵母乳,母親真係偉大!!
放在雪櫃內的奶就稱為雪奶,而4度的雪櫃內母乳可存放48小時,冰格內的母乳可存放2個月。以3日2夜的時間,冰奶帶回來係最好的方法。但酒店冰箱沒有冰格,第一天的奶就會過咗時,唔可以俾囝囝食,但係母乳仲有好多用途,唔飲得可以用來沖涼,倒咗去太浪費啦,有些媽媽都會自己飲返自己的奶,而且母乳用來搽皮膚都好好,真係唔好倒咗去。回程前,你可以要求酒店同你冰咗fridge-to-go,返到來的奶就可以立即俾囝囝飲。
希望幫到你。加油努力!!!!
好開心,係餵奶的路上給我好多次唔同的機會,有單胎,有孖胎,有順利,有麻煩,有全埋身,有全泵,令我可以能體會到不同奶媽的辛酸。
第一胎,餵到囡囡三歲,在三歲生日那天自然離乳。第二胎係龍鳳胎,初頭5個月係一齊餵的全埋身,但返了工後,細孖唔要埋身,只好轉全泵,又係另一種的體驗。唔知第二胎可以餵到幾耐。
同大家一齊努力!!
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
我每周都要到大陸工幹(3日2夜)。我阿仔現在三個月。我無論如何忙碌,都想給他最好的-母乳。現想請教如何儲存。
我已有fridge-to-go,但我記憶中可保存冷凍6小時。我應該把母乳雪作冰奶或雪奶已可以安全運送?我試過一次運送冰奶,再給阿仔24小時內飲完。但一來我看到另一個post,你們建議雪奶(為什麼?),二來酒店冰箱沒有冰格。我已倒了很多人奶,特別覺得可惜。
另外,母乳運送後幾耐要飲完?請指教!