如何可以餵人奶又再懷孕呢?

我 BB 都係 6月出世 ga~ 我自己一向都想生兩個, 等佢哋有個伴嘛!!
不過 BB 而家先 5個月左右, 若你想追個細佬都唔使太趕呀~睇完你篇文章都 feel 到你有壓力: 為咗 BB 健康要餵人奶, 為咗老爺奶奶想抱男孫要追仔, 為咗努力造人而行理... 咁樣會好辛苦喎~
希望你都要顧吓自己, 最緊要養好自己身體, 有強健體魄咪可以生個健康寶寶囉~ 而我自己覺得壓力都會影響經期, 以前返工開 ot 開到傻嗰陣, 我可以超過 2個月都唔嚟架! 另外壓力都會影響乳汁分泌, 所以呢, 放鬆心情啦~ 至於老公, 大家坦誠啲溝通吓啦! 我 BB 滿月嗰陣唔知係咪猛長期, 嗰幾日真係好辛苦, 好似全日都抱住 BB 幾乎冇休息過. 我老公當時都話怕我辛苦, 叫我放棄餵人奶. 但我同佢講, 如果怕我辛苦就多啲幫手. 之後我老公咪幫手做家務, BB 食完奶佢幫手掃風換片等等 (不過而家又係我自己做返晒 ). 行埋嘅事就更加應該要坦白, 你老公係一個你可以信靠嘅人嚟架嘛! 所以唔使怕, 同佢講佢唔會怪你嘅~ 大家了解咗對方感受, 之後再諗吓可以點樣囉!
假如你對排卵, 餵人奶期間食藥等有疑問, 最好都係請教吓醫生啦!
(P.S. 你囡囡好得意呀~)

多謝你地既回覆呀，其實係因為我知道我老爺奶奶想抱男孫(我老公係獨仔)，而我今年六月生既係女仔(其實我就鐘意生女多d嫁)，我而家仲餵緊人奶，但係因為前一排去脫左智慧齒，食左好多止痛葯同消炎葯，加上自己脫牙後十分痛苦所以每天只係餵左一餐，而家隻牙果度已經唔痛，但係想追返個奶量真係有點困難，好似一d都唔谷奶，真係唔知點算。

言歸正傳，因為我feel到老爺佢地想要個男孫，而我現在31歲，只有4年時間就到高齡產婦了，到而家晚晚都驗小便check排卵，都顯示未有排卵，真係越來越大壓力，仲有呢，唔知乜野原因，對於我同我老公行埋既事，好似越來越有點反感，生完bb果時唔想，而家都係唔想，不過諗住努力做人先至must go on，唉，我真係唔知點算，又唔敢同老公講...

我老公都同找講：不如唔好再餵人奶啦。一來佢怕我辛苦，二來佢知我想追個bb，但係我真係唔想為左生第二個bb而終止餵人奶啊，真係好失落，而家要追奶量已經好辛苦，老公又唔支持我，bb又唔係好鐘意食人奶咁，唔通真係要放棄?

我有諗過試下食排卵葯，不過又唔知會唔會對餵人奶有影響，又唔知可以去邊度買到，睇醫生又唔知佢肯唔肯開比我...

你生完 BB, 餵奶, 你既身體就知道你要照顧大B, 未適宜再懷孕, 所以冇排卵; 如果完全唔餵奶, 身體就以為你冇左個 BB, 就會排卵等你可以再生過囉~ 大B要食奶, 細B響母腹中, 兩個都扯媽咪既營養, 係要有取捨架~

餵人奶唔係影響受孕機會, 而係餵全人奶會抑制排卵, 所以不能受孕; 只要你重新排卵, 就可能受孕架喇~ 你有餵人奶, 即使次數唔多, 都會影響賀爾蒙分泌, 就會影響幾時重新排卵, 至於 exactly 幾時會排卵, 真係冇人話得埋~

我大仔全母乳, 6 個月開始引入固體, 母乳既餐數逐步減少, 都 10 個月先至有月經 (有D媽咪更遲)~

大仔 1 歲 9 個月既時候我懷第二胎, 當時每日只餵早晚兩餐母乳, 2 歲幾開始至今, 則每日只餵臨訓一餐母乳~ 因為佢當時已經主要係靠固體攝取營養, 所以奶量對佢影響不大~

(BB 1 歲前既主要營養來源係奶, 1 歲後則係固體~)

懷孕後, 奶量, 味道, 會唔同左, 因為造奶係受賀爾蒙影響, 懷孕後你既奶就會逐漸變得遷就腹中 BB 既需要, 第二胎出世時又會變返份量得好少既初乳~

懷第二胎, 如果作小產, 就不適宜繼續餵母乳~ 另外, 我到懷孕後期, 餵奶餵到大約 10 分鐘, 子宮就會拿住咁痛痛地, 所以會限制大仔每次只準啜 8 分鐘, 每日一次~

你好. 我唔知自己的情況是否可以代表大多數, 但即管同你分享下我的case:

我生第一胎後基本上全人奶至bb食固體食物,然後早晚仍埋餵人奶至bb現在1.5yr我懷了第二胎的情況下仍沒有停餵過;

初初開始時,埋身餵確實好痛, 但經過大細五至六個月的適應期,埋身餵已不再令不適.反而是現在bb已1.5yr大少食奶了,再加上,唔會係咪懷孕影響,乳頭變得敏感了,最近一兩個星期又開始有少少痛. 但也不會妨礙我繼續餵;

我自己就唔係好覺得餵人奶係會減低受孕機會，因為我一想有bb,不到半個月便有了!

我現時懷孕三個月; 其實自一開始發現自己有bb,奶量便即時好顯減少了. 我建議你盡可能埋身餵,因為bb吸啜可以提升奶量,比你用泵得到的人奶會多好多! 我怕你繼續用泵的話,真係懷孕時便不夠奶比大b食,咁到時就真係被逼要停母乳啦!