人奶問題

多謝你地既支持同意見
thank you!!!

[quote=katiesin].....我試過餵奶粉比佢食，佢唔食，要食我既埋身人奶
bum 左人奶入落奶樽度，佢都唔肯食
我可以點做??....[/quote]

BB 吾肯食奶樽,咁就証明佢吾係真既吾夠飽.
BB 除了食之外,仲會有其他既需要架! 冷熱濕焗,都會令佢吾自在,於是就喊俾妳地聽喇!
仲有妳胸前既溫暖,對佢黎講就好似響返妳個肚入面咁舒服! BB 初到貴境播,係要D時間去適應架.妳同家人都要耐心D照顧BB,除了眼看,耳聽,仲要用心去揣摩佢既需要,咁就係增強親子關係既最好時刻.
初為人父或母,角色的轉變,可能自己一時都未完全適應過來,妳地同BB 都係要去適應新生活.妳地係大人,適應力會強好多,調節好自己心情,再用愛心去理解下BB既需要吧!
加油!妳地一定得架!

同意,個個人奶媽咪都經歷過. 我做了一兩個月豬乸呀. 學下瞓度餵啦,舒服好多呀.努力!!!!

初生係辛苦架, 捱過左頭果一兩個月, 前面就係康莊大道!
個個人奶媽咪都經歷過, 你都加油呀!

請注意 BB 吸啜既口形是否正確, 係咪張得好大,
每日有冇至少 6 條重手既濕尿片,
如果都 ok, 咁即係佢食得夠飽, 咁放落床仔喊就未必係因為餓,
可以試下用其他方法安撫~