出外公幹pump奶問題

呀!找到了!我找到多年前一位媽媽的分享:

分享 : 出門4日儲奶及帶雪奶(飛機)回港經驗
前幾日去了4日3夜上海旅行(冇帶阿仔)泵奶經驗分享(11個月全人奶BB).

預備3日的雪奶 -
因阿仔唔多喜歡飲冰奶,於是我在一星期前每次多泵一些時間,用以提高雪櫃的儲奶量,結果出門前果日有60安儲備.

旅行中泵奶 -
用具 : Medela Mini Electric 及奶樽 x 1, Boots 奶袋 x 6, Fridge-to-go x 1, 洗潔精小量, 奶樽刷x1.
消毒方法 : 用洗潔精洗乾淨再用放入酒店的水壺內煲.
泵奶日誌 :
一去到酒店,將Fridge-to-go交給禮賓部叫佢放在冰格,離開才取回.
Day 1 and 2 - 泵3 次 (用來浸浴, 泵及樽不用消毒)
Day 3 - 頭1次用來浸浴; 第2,3次入奶袋(雙重)放在酒店房間雪櫃中貯存
Day 4 - 泵1次入奶袋(雙重)貯存; 取回Fridge-to-go.
包裹方法 :
奶用Double Bag 方式包好,再將所有奶再包一個袋及在袋口放一條毛巾(萬一漏奶都吸返,唔怕弄髒行李)才放入Fridge-to-go ; 再用幾件衫包住Fridge-to-go ; 把Fridge-to-go放入膠袋,扎好袋口,袋面寫上母乳/breastmilk字樣.
運送方法 :
由多Hand carry液體上機好麻煩,況且寄倉行李會放在冷凍環境有助存奶,所以我選擇寄倉. 只要將層層包裹的Fridge-to-go放在行李箱軟身物件(如衣服)中間固定位置便冇問題. Check-in前與地勤人員單聲話裡面有個冰袋袋入有母乳請他們不要打開.
結果 : 仍然冷凍的奶包完整運回,唔使浪費.

你去那裡?遠嗎?以前有媽媽教過出門時怎樣泵奶和帶雪奶回港.

我多年前去東南亞出差時根據她的經驗,事先同酒店講明我的情況,並要求借用他們的冰櫃,然後自己帶冰種冰袋等等過去,最後把冰奶帶回香港,這樣就不用浪費了.當時一切好順利呢.

你可以泵出來,放入雪櫃,雪奶可以留5日嘛.

你同我個case一樣,我就決定帶理個B去工幹

如果你打算回來後繼續餵人奶, 咁你一定要keep住pump啦. 浪費都冇辦法!

之前我參加party時飲咗一杯紅酒, 返屋企pump咗5oz奶. 倒嘅時候都好心痛! 你宜家重要4日, 真係好唔捨得!