想由全泵轉回埋身喂哺

cwtang,

能夠一直泵夠供給BB食用,真係吾係咁多人做得到!而妳的奶量必定比妳所能泵出來的要多! 這也是實在的.

但係想奶量的增加配合到BB 既需要,當然最好係俾佢埋身吸啜多D.
不過,因為已有一段時間無埋身,BB對埋身食奶既記憶吾一定仲存在.而食奶瓶又真係易食得多.所以就要緊記:
1) BB 埋身食,有可能比平時食奶既時間密D.
2) 要注意BB食奶既嘴形是否兩唇翻開,含得到媽媽的部份乳暈.
3) 如果BB 有抗拒埋身既反應,咁可能要暫停一下用奶瓶餵奶既習慣,改為用杯仔,匙羹仔,針筒等來餵.

想知道點解一開始無埋身餵的? 我十分建議你埋身餵, 埋身餵一定多奶過泵; 我有時會一邊餵, 同時另一邊泵, 比bb啜住, 快上奶好多, 而且泵出來相對多d; 我自己覺得 bb 係一個 universal pump; 不用猶豫, 隨時都可以埋身餵, 至於時間, 一定要你自己同 bb 調教, 別人 or 書只是一個參考, 無絕對的~ 要有心理準備, 埋身餵一定會辛苦過泵出用樽餵, 但你會找到一份只有你與 bb 特別的時光, enjoy it!

bb7星期大，你已經可以維持每天奶量600-700ml，真係好叻!!

埋身食係會刺激多d，奶量會自然根據bb需要而生產，所以奶量係會多過你泵。埋身食奶要留意嬰兒的進食時間及吸啜技巧。如果bb接受兩種方法餵奶，在家可以埋身餵，返工就用奶樽餵。每個嬰兒發展不同，未必因埋身餵而搞亂bb飲奶時間。

希望幫到你。加油!!!

好開心，係餵奶的路上給我好多次唔同的機會，有單胎，有孖胎，有順利，有麻煩，有全埋身，有全泵，令我可以能體會到不同奶媽的辛酸。

第一胎，餵到囡囡三歲，在三歲生日那天自然離乳。第二胎係龍鳳胎，初頭５個月係一齊餵的全埋身，但返了工後，細孖唔要埋身，只好轉全泵，又係另一種的體驗。唔知第二胎可以餵到幾耐。

同大家一齊努力！！