You are here討論區 / 早產及0 - 2 個月寶寶 / bb 已經有埋身餵, 但都塞, 點算?
bb 已經有埋身餵, 但都塞, 點算?
我又係好易塞,就算餵了25個月都會塞,不過上次係因為飲了黃豆花生豬手湯,飲完呢款湯後奶會比較杰,而且胸圍剛好換一款緊身啲,因此就出事。
塞左之後pump少咗奶好正常,等身體休息一會,而又繼續埋身餵刺激乳房,好快又會增加返,記得飲多d水,休息和放鬆d。
加油!!!
好開心,係餵奶的路上給我好多次唔同的機會,有單胎,有孖胎,有順利,有麻煩,有全埋身,有全泵,令我可以能體會到不同奶媽的辛酸。
第一胎,餵到囡囡三歲,在三歲生日那天自然離乳。第二胎係龍鳳胎,初頭5個月係一齊餵的全埋身,但返了工後,細孖唔要埋身,只好轉全泵,又係另一種的體驗。唔知第二胎可以餵到幾耐。
同大家一齊努力!!
我都常常塞, 最近睇資料發現, 食油膩野會較容易塞, 乳房被壓住 (e.g. 訓覺姿勢, 揹BB 揹袋 既帶) 都會引致塞~
是否經常保持同一姿勢餵奶?
由於BB下巴吸啜力較強,試一下更改抱b食奶的姿勢,如用攬球式,躺臥式,又或放bb在大床上,自己用身體去就一下.務求將自己有塞的一方,貼住bb的下巴,還他吸通有塞的位置.
希望幫到妳.
我坐月時, 陪月煮了通乳腺的餸, 頗有效, 用露筍炒鮮百合杞子, 我現在有時都會煮, 保持奶量.
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
我有一邊乳房, 成日都好硬!
我已經每日返工都有pump奶,返到屋企又埋身餵, 但都塞.
塞左之後pump得好少炸, 點算ar!!