關係初生BB食奶需要

哦！！！原來係咁。。。
咁我知道點做啦！！！
唔該哂你既解答。。。ＴＨＸ！

Connie您好！

初生BB食奶問題的確是困擾不少新手父母，我自己都有過疑問，當時我個仔常常食到一半便睡著覺，經常整唔醒，一方面知道要頻密餵，但一方面BB 常睡覺，想餵都無從入手，後來我靠濕片和便便次數，知道夠數就無迫得咁緊，自己亦放鬆左唔少，因為餵夜奶能增奶量，日間BB 睡覺時我也爭取時間休息，餵夜奶時就無咁辛苦。

不如讓我解釋為甚麼未滿月的BB 需要每兩至三小時起身食一次奶吧，主要是初生BB 較懶瞓，你唔叫佢，佢隨時會瞓到唔起身食奶，同時媽媽造奶需要BB 吸吮，如果長時間無餵奶會谷奶，谷得多會令身體以為BB 唔需要咁多奶而減少分泌，為了確保奶量供應能按BB 需要同步，媽媽需要定時叫BB 食奶，這也有助BB 排泄黃疸出體外，因為初生BB 特別是頭三星期都易有黃疸。

食十幾分鐘就唔食是不是食到睡著覺呢？要BB 食奶時保持清醒，食奶時不要穿那麼多衣服，只穿內衣和尿片。到你發現BB 食奶食得慢下來，可按摩乳房令奶流得快，灌醒BB 食奶，同時你可"r" 下佢手仔、腳仔、下巴、面珠，換片或幫BB 洗面等佢無咁快睡著覺。

每日觀察BB 的濕片5-7條和便便次數約有3-5次，如果夠數的話，BB 食奶時間短，咁都ok 嘅，如果濕片和便便次數不足，就有需要用方法令BB 食奶食得正經一d。

希望幫到你。

哺乳圍巾，送禮自用皆宜，所有收益撥捐推廣母乳，歡迎選購。