You are here討論區 / 早產及0 - 2 個月寶寶 / BB兩個多月大還是每天餵8-10餐, 每次隔1.5-2hr, 是否正常?是否不夠奶?
BB兩個多月大還是每天餵8-10餐, 每次隔1.5-2hr, 是否正常?是否不夠奶?
jasminelcm您好!
首先我欣賞你堅持比最好的BB,值得讚賞!
看完你的形容,BB 吸吮姿勢不大理想,我會建議,在BB 食奶食得慢的時候,你用手按摩乳房,可令奶流得快一點,盡量比BB 食多一點的奶。餵完一邊後,擠另一邊的奶補充比BB 飲,你能泵到兩安,好好呀,不要因此氣餒,在哺乳初期,假如BB 的吸吮方法尚未成熟,擠奶便能彌補BB 吸吮的不足。若BB 的吸吮方法正確,通常直接吸吮的奶量會比擠奶多。
至於破損的一邊,由於傷勢不輕,我會建議損的一邊暫時休息一下,例如連續兩餐餵住同一邊先,而損的一邊就泵出來,補充比BB 飲。要加速傷口癒合,揸奶風乾後要再揸,重覆摌三次,風乾後才穿回衣服,一日揸幾次。
補奶粉那邊,食完四安後兩小時要再食,BB之前有沒有睡覺呢?通常6個星期至3個月大的BB 會在睡醒後兩小時內就會感到疲倦,說不定是在扭眼瞓,不過你也可用餵奶來看看BB 是否需要食奶。
餵奶時按摩乳房加快出奶,然後補充擠出來的母乳,再加埋補奶粉,三管齊下,你要努力呀!加油!
哺乳圍巾,送禮自用皆宜,所有收益撥捐推廣母乳,歡迎選購。
我一路都有乳頭損的問題, 俾健康院姑娘睇過, 話係BB嘴仔mark得唔夠大的關係。返屋企改善過之後, 有一邊好番, 一邊而家仲係損損地同裂…唉…已經每餐都搽奶喇!其實我阿B已經含哂全部乳暈, 同埋個腮係有郁o既, 所以我都唔知可以點改善, 姑娘只係叫我返屋企練習吓。
而家我係餵一邊既, 平均半個鐘到一餐, 間唔中會啜成個鐘唔停架!我見佢唔停, 又無登特轉邊俾佢食喎, 諗住佢啜得應該仲有奶, 想佢食多D後奶丫嘛。同埋我阿B有越食越慢的問題, 頭個5分鐘就不停咁啜, 之後就啜下停下咁食得好慢(我已經不停咁篤佢面仔、 耳仔、腳仔), 所以到40分鐘到我會拎開佢。
由於餵得咁密, 乳房係餵奶前後都係差唔多鬆軟咁。損個邊係餵時餵後都有D陰陰痛, 係咪損咗就算餵得啱都會痛呢?
如果真係第二個原因我係咪要吱咁D奶走先好餵B呢?但係我個乳房又唔係好脹, 我根本都唔知自己夠唔夠奶。我試過pump, 兩邊都只係pump到2oz, 真係少得可憐。講真, 我真係好擔心係因為自己唔夠奶先搞到佢食得咁密囉~ 唉… 我自己餵咁多餐都好攰都好想放棄, 但係又知道母乳係對阿B最好的, 真係好矛盾。連健康院姑娘都叫我補奶粉, 因為第二個月重得唔好, 所以間唔中一日補一餐(4oz), 但係佢依然係2個鐘到又肚餓, 有時我都好confuse佢係肚餓定想啜啜。
自己餵得辛苦, 身邊人又唔支持, 真係好灰心!
jasminelcm您好!
餵哺次數頻密但增重未見理想,有兩個可能,一是BB 食奶吸吮姿勢不正確;二是媽媽奶水太多令BB 前後奶失衡。
首先你有沒有餵奶給健康院姑娘看看?BB 食奶的嘴形是否正確?因為很多時BB 若嘴巴張得不夠大,沒有含著乳暈,那是會令BB 食唔到足夠的奶。如果你唔清楚,可以回健康院請教姑娘。
其次,要BB 多食奶,可在餵奶時,用手間歇地輕按在乳房上,這樣可加快奶的流速,又可增加噴奶的次數,方法請看短片示範: http://www.breastfeeding.org.hk/post/1471
此外,你是餵一邊還是兩邊?餵完奶後,乳房有感到較鬆軟嗎? 餵奶時或餵奶後,乳頭或乳房有沒有疼痛?
第二個可能媽媽奶水太多令BB 前後奶失衡,意思是BB 只吃到前奶,而吃不夠飽肚的後奶,於是BB 很快便肚餓,令食奶次數增多,從而造成惡性循環,製造更多奶水。
改善方法有最重要是確保BB 的吸吮方法正確及有效;
不要限制每次吸吮的時間,每個BB 的食奶時間因人而異。最重要的是按BB的需要,確保前後奶也能食得到,讓BB 自己食到停口;
BB 先食一邊乳房,再看他是否想吃另一邊乳房,確保前後奶也進食得到。
希望幫到你!
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
BB下周就三個月大, 但係佢由兩個月大開始還是每天8-10餐, 好多時隔1.5個鐘就肚餓, 每餐食半個鐘, 正常嗎?我係咪唔夠奶呢?因為佢由出世到依家食o既pattern都係差唔多, 人地話阿B應該越大越食得疏同時間短, 但係佢真係無咁既跡象, 健康院姑娘又話佢偏輕(1st month重0.5kg, 2nd month重咗0.24kg咋), 好擔心佢食得唔夠, 老公同奶奶都想我轉餵奶粉, 點算?