You are here討論區 / 早產及0 - 2 個月寶寶 / 食奶問題
食奶問題
多謝你既解答.....
我會再繼續努力架啦......
THX....
Connie您好!
如果想BB 清醒食奶,首先要BB 食奶時保持清醒,方法很簡單,食奶時不要穿那麼多衣服,只穿內衣和尿片,在媽媽的懷內不會著涼的。因為食奶時穿衣服太多,加上媽媽的體溫和心跳聲,這些都是最佳的催眠效果,少穿衣服會令BB 無咁易睡著覺。
其次要留意BB食奶的嘴形,上下唇有無翻開,個口幾乎張到一字咁大,吸著乳暈的地方,如果你唔清楚,可以打電話預約屋企附近的健康院,姑娘會好樂意教你餵奶。
左邊乳頭較平的話,可用手輕柔地按摩乳頭,使乳頭略為凸出時(用擠奶器亦可),馬上放嬰兒上乳房吸吮。
而BB 食到睡著覺時,你可以擠奶灌醒BB,等佢食好d,方法請參考: http://www.breastfeeding.org.hk/post/1471
至於乳房脹奶,如果谷得很緊要,可以凍敷乳房減輕脹痛,但就不要泵奶,因為泵奶對乳房來說是額外刺激,會令脹奶問題嚴重。
此外,要知道BB 食奶食成點,觀察BB 的濕片次數,如果每日換到5-7 條濕片,有3-5 次便便,每月增重有0.5KG,那就代表BB 食到足夠的奶,不用擔心會不會只食到前奶了。
希望幫到你。
哺乳圍巾,送禮自用皆宜,所有收益撥捐推廣母乳,歡迎選購。
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
我BB出世9日....一直都係食人奶既...
但係佢呢幾日食得唔係咁好.....
其實之前佢都係食一陣就會訓....太約真正食到既就得15-20分鐘到...
食左一陣又訓番....之後搞左好耐佢都係唔食...之後就比佢訓架啦!!!
但係呢兩日...佢食既時候既時間...愈黎愈少,,,,
10-15分鐘就已經唔食..有時啜十幾下就唔食...點整佢都唔食....
就算佢唔係訓緊都唔食...但係我又唔係早左比佢食...
仲要係已經遲左食架啦!!
但係佢好似一樣唔肚餓咁...我自己又驚佢餓親,,,但係佢係有喊.
我先至知道佢應該肚餓..但係餵一陣就訓番...
仲有....咁如果當BB只係食得個15分鐘,,但係個乳房仲係好脹...
因為佢食唔哂D奶..咁可以點做呀!!!咁佢未成日只係食到前奶,,
其實我之前都有試過...食之前泵左少少出黎先...因為我個乳房好脹,
佢一食就好快就逐到...搞到佢有時遂一遂佢就唔肯再食番...
仲有...每一次我都好怕用左邊乳房餵BB...因為左邊乳房啜個個位比較平,,,
所以佢次次都食得好"炆"....有咩方法解決呀!!!我試過食食下泵下...
因為一泵就會長少少..但係啜左幾下...又走哂出黎...
食食下...又覺得好似食到冇哂FEEL...又訓架啦!!!但係有時過多一陣又喊..
呢幾件事...令到我對自己冇哂信心...成日好想放棄....
希望能夠可以解答我既問題....
令到我對餵人奶重拾信心.....
THX...
connie ho