開刀生產

我剛剛開刀第24日,我係開刀之後16小時就落床餵bb啦
雖然係痛,但都忍受到
而且醫院開左對母乳冇影響既止痛藥俾每個產婦
晚上的確好眼訓,試過一路餵bb,自己都恰著埋
所以我試過企係到餵,等自己清醒d,日頭就盡量訓多d
直到依家第24日,我都keep住2.5小時起身餵bb
冇試過泵出黎俾人餵,因為bb自己吸乳房先會製造到更加多母乳嫁

ceci_y,

一般痲約過了都可以餵奶的.
不過,媽媽傷口痛係一個難題;醫院裡的醫護是否支持妳又係另一個問題.

我地呢度都好多開刀生BB的媽媽都可以成功餵哺母乳.但妳要有心理準備,開刀餵奶係有機會觸到傷口,所以要注意餵哺姿勢,妳要有決心去克服啊!

另外,私家醫院或許基於方便佢地管理同工作效率,而吾多願意個別招呼及指導妳餵哺母乳.但係妳還是可以行使妳既病人權益: 要求對方將BB 帶到妳身邊,及指導妳在床上餵哺.

在留院時,或許媽媽仍有點疲憊,但是要珍惜有專人指導既機會.反正院方是有責任及義務要協助妳的.所以,吾明吾懂就問個明白.否則出院後,就難以隨時找個專人來教妳了.

而呢個階段,可以多問開刀生產後,媽媽會點辛苦法,餵BB 又可以用咩方法.與及家人又可以做D 咩黎幫到妳餵人奶咁囉.多D 吸取別人既經驗,提早請家人配合,咁已經係成功既開始喇!

祝一切順利!

其實我都打算在私家開刀生, 但醫院已講明怕細菌不會抱BB出來. 所以我擔心餵不到初乳. 如果泵出來, 又怕之後埋身餵BB不肯食(我想姑娘不會有時間用杯/針筒餵啦)...
而且開刀後藥力未過, 是否要等一段時間才可以餵嗎?

我都係開刀生架,我之前已和醫生溝通好,要自己餵人奶.
因為出生後盡快餵哺,對母親和bb都有莫大好處, 所以出生後,我一離開觀察室返到病房,姑娘便即時將bb抱給我,指導正確的哺乳姿勢，打側訓係度餵,bb訓係我隔離打側身吃,一點都不會弄痛傷口的.你可放心!

至於夜奶不建議泵出來餵,因為:
1) 出生後初初幾個月, 身體的製奶機能還未能穩定,單靠泵不能泵到/或不足夠奶奶水,容易令媽媽誤以為自己唔夠奶而最終放棄. 其實bb的咀巴是最好的吸啜工具. 我以前唔知,見到泵出來好少奶,一安都唔夠,便以為自已唔夠奶. 點知見bb用口吸奶, 反而可以吃到肚仔脹脹,飽到嘔奶tim呀 !
2) 夜間是身體製製催奶原素的最好時機,所以餵夜奶可以令奶量多些.