奶量唔夠

ecstatic您好！

不用客氣！如果奶粉食完唔夠，你餵奶比BB吧，讓BB吮下乳房，也是穩定BB情緒的方法，因BB喊，不一定是肚餓，扭眼瞓呀、悶呀要人陪都會用喊來表示。

加油！

哺乳圍巾，送禮自用皆宜，所有收益撥捐推廣母乳，歡迎選購。

nikitac,

多謝你既鼓勵，我會繼續努力。這三天我增加BB吸吮次數，由1-2次增加至7-8次，每次10至20分鐘，但需要1-2個鐘餵一次。雖然辛苦，但見奶量慢慢回升，覺得一切都值得。

好彩我BB暫時對乳房及奶樽都唔抗拒，但餵母乳後佢通常都再訓(0.5-1個鐘)，醒後都要補4安奶粉，唔夠會發脾氣哭，因此未可以減量。是否我既母乳唔夠飽，定BB食量增多左?

ecstatic您好！

BB才三個星期大，還有很多時間學習食母乳呢，有心不怕遲。

母乳製造的機制是需求越多，供應越多的，所以讓BB吸吮乳房是最佳刺激奶量方法，記得要多奶就是餵奶。

首先要肯定BB 的吸吮是正確和有效的，餵奶時，留意BB有沒有以下動作：

1. 嬰兒的嘴巴張得很大及上下唇均向後翻
2. 含著整個或大部份的乳暈
3. 舌頭應在乳頭及乳暈下面

如果你唔清楚，可以預約屋企附近的母嬰健康院，餵奶比姑娘睇，佢地會好樂意教你BB 正確的食奶嘴形。

另外，你可以每次都先親身餵母乳，約兩個半小時左右先餵母乳，因BB太餓的話，無會耐性食母乳，繼而發脾氣哭。餵完母乳後，才補些少奶粉給BB，如果之前食過四安奶粉一餐，那就補三安，然後每日減一安。

這樣做，一方面確保BB有時間學習吸吮乳房，另一方面BB吸吮乳房是最佳的增奶量方法，也可保證乳房有被刺激出奶。而且由於從奶樽食奶是易過吸吮乳房，先吸吮乳房後食奶樽，BB便不會因懶惰而不吮媽媽的乳房了。

BB剛出世甚麼都不會，現在BB不會食奶，你就要教BB。慢慢來，因BB 最需要媽媽的愛心和耐性。

我既情況差唔多，bb三星期大，但一路都冇餐餐埋身餵，只係早上俾bb吮10分鐘同埋每日泵1-2次人奶，再補奶粉(每餐120ml)。初期泵人奶由40-50ml增多至120ml，但近日奶量越來越少，唔知依家轉返餐餐埋身餵會否太遲? 除左湯水，唔知多奶茶有冇幫助?

poonngyatying您好！

有時BB食完奶還會哭，除了是肚餓之外，還會是因為想繼續吸吮，需要心理安慰。

你之前的餵奶情況是怎樣？有一直補奶粉還是一直親身餵哺？