You are here討論區 / 早產及0 - 2 個月寶寶 / 急！我真的不想放棄...但bb不肯埋身食！
急！我真的不想放棄...但bb不肯埋身食！
我個B而家5星期大，佢都有你地講既情況呀！如果我早D睇到呢度，就唔駛咁擔心啦！
之前我個B一日食6餐，每次食3-4安 (我係泵出黎餵)，但近呢兩個星期佢突然好似唔想食奶咁，但又未到「厭奶期」，我真係日日抱住佢喊！佢每餐就算係喊醒，都只肯食1-2安。後來帶佢去睇醫生，醫生話佢之前食得太多 (因頭三個星期增磅太快，似人地一個月既增磅份量)，所以佢而家唔會食咁多，就好似有D食滯左咁！但醫生話因為佢冇唔舒服，亦好精靈，所以唔駛擔心！
佢教我而家每3-3.5個鐘叫佢食一次，唔好理佢食幾多，可能只會食半安，但都要叫佢食，半夜就可以唔駛叫佢，佢話大約一星期就會好轉！
我而家仲係試驗緊，見到BB每餐真係只係食1-2安都仍然好擔心，因怕會餓親佢，但見你地原來好多媽媽都試過，我都放心DD！
唔好客氣！你已經好叻架喇，BB長肉長得咁好，真係無野需要擔心。
返工後，常見的會是休息不足及工作壓力對奶量有略略影響，不過只要不放棄就得架喇！記得唔好比壓力自己，響電話度儲多ｄBB 的相或video，一邊望住一邊泵奶會有幫助架。
如果BB三小時都唔食奶，咁你試下三個半小時餵，因為坐熱的奶需要盡快飲用。我個仔BB仔時體形同你BB差唔多，我返工時佢就三個半食一次奶。
Nikitac mama、 洋洋媽同各位有經驗的mami:真的好多謝你地的耐心指導同意見，你們的經驗和分享給了我信心、支持和鼓勵，我會盡力堅持的！
而家bb都肯埋身食，雖然吸吮的時間不長，但他肯埋番身我已經很感動了，我想bb真的大個了，不像初生時那樣明明吃飽了仍要不停吮結果飽到嘔奶，相反而家他吮飽了你想他再吃都難了＞_＜！
目前，我盡量在他每餐吮飽後都泵清一邊乳房，希望儲多點冰奶，同時亦keep住奶量，經過幾天泵奶次數多了，奶量也有改善，希望返工都可以順利泵奶吧！我明白上班後可能又會遇到很多問題，但我真的會繼續加油，因為我知道在母乳協會一定找到解決的方法和讓我重拾自信的！
另外，想請問座熱了的人奶可以keep幾耐，因為有時bb到了三個鐘喊以為佢肚餓，但座熱了奶他又未即刻肯飲，如果將支奶keep住放在座奶器裡（恆溫40度）可以半個鐘or一小時後再比bb飲番嗎？thank you!
[quote=Lamlamhimhim]洋洋媽你好！bb出生時3.41kg,滿月時5kg,二個月大時6.8kg,所以我帶bb看醫生時說bb不肯吃奶，醫生只說他夠重不吃一兩天也沒關係....[/quote]
我洋洋出生時3.1KG,俾妳的BB輕少少.但他到5個多月時才6.5KG咋! 
妳BB 在自動調節食量啊,不需太擔心呢! 
嘩！原來BB增重成績咁犀利！你話人奶點會唔飽肚唔長肉呢！ 
足月出世及按需要餵哺的BB是會自己調節需要，有些BB出世頭兩個月會不停食奶，但到了近三個月大開始會食少奶，因為身體覺得之前已食夠奶，已長得夠大了，故會減少需要，只要BB檢查過不是生病，增重方面每月能有0.5KG，咁就ok。BB自己減少食奶，可預防將來長大患上肥胖症。
我個仔三四個月大果一個月就無重過咁滯，因為佢食得好少奶，但增重紀錄佢之前就重得好好，所以一個月無重都ok。
你一天能儲到一餐奶，已經好好成績的了，因為身體現在已知道BB的食量，奶量會調節到接近BB的食量，所以媽媽不會感到谷奶，長期谷奶會易有塞乳腺或乳腺炎，所以唔谷奶就是不想媽媽生病。慢慢來吧，泵奶技巧是會熟能生巧，將來上班你會因長時間無餵奶而可能泵得較多。
洋洋媽你好！bb出生時3.41kg,滿月時5kg,二個月大時6.8kg,所以我帶bb看醫生時說bb不肯吃奶，醫生只說他夠重不吃一兩天也沒關係....我既擔心又無奈呢！我最怕是bb生病了影響胃口，但檢查後又沒什麼特別，也不是鵝口瘡，這兩天bb埋身沒有那麼抗拒，但始終吮奶時間很短，有時只肯吮5min,但我再開奶粉他又不吃，我泵奶出來的量也不多，三四小時一邊乳房只泵到1~2oz奶，不知道是否因為每天泵了4oz冰奶而影響了奶量呢？但我又不得不為上班做好準備，所以心裡感到很不安，但始終覺得乳房沒有以前那麼脹滿，但bb埋身吃後到下一餐也是三~四小時，只是期間很扭抱，有人抱他就會睡覺，所以應該不會是肚子餓吧？！自己對是否夠奶餵飽bb的信心也開始動搖了.....
想問一下,到目前為止bb 的增磅情況理想嗎?
因為姑娘曾說過,bb 會自動調節食量的.如果之前他食得密,增磅多了,過一輪又會自動食少d的.
bb有得兩個多月大,因為頭仔同條頸有力,有時會八卦,食食下個心走開左,所以食奶既時間會短d.盡量俾個安靜d環境去餵奶.
如果BB唔食奶情況持續，建議你帶BB返健康院檢查，看看是甚麼原因不肯食奶。
好多謝你ge意見，我都有keep住泵奶，但因為bb好扭抱，基本上中午過後，bb一定要人抱住先肯瞓覺，一放低就喊醒，家人主要幫我湊住大女，所以好難抽時間泵奶，如果預早泵定又不太脹奶泵得好少，到bb要食奶才泵又泵唔切，而且呢兩日bb直頭用樽飲都一樣喊，但半夜同佢眼瞓時埋身餵佢又突然會肯飲，所以我都唔知幾時泵奶好，因為泵了奶bb有餐如果肯埋身食時又會唔夠奶了.....
I would like to encourage you not to give up, even your baby does not want breastfeed. You may consider keep pumping milk regularly for 4-5 times a day, so that you can stable your milk supply and even increase your milk, by increase the no of pumping time. You may breastfeed again whenever your baby wants it.
Enough rest and drink green papaya soup can increase milk supply. Relax, positive and flexible. No matter mother's milk by bottle or breastfeed directly, your baby still having your milk. Right.
My situation is I can't breastfeed my baby since newborn, and I just keep pumping my milk and bottle feed him. My baby is now 6 month's old, I keep pumping and still keep my milk supply up to 80% of his daily needs. He need 5 bottles 200ml and I can gave him 4x200ml, because I pump 4 times a day.
My baby can have a bottle of my milk at 8pm and then sleep through night until 6am. This happened since 2 months' old. He is not very happy when I wake him up for milk. So I just let him sleep and found that he wants to sleep more than drinking milk. Funny guy.
今日我都係3h才餵一次，但佢就好似唔肚餓，有時隔咗5~6h都只係食1~2oz,但人奶易消化，都唔知點解唔餓呢？醫生話唔係鵝口瘡，咁唔通係厭奶期？因為今日用奶樽飲人奶都係喊，人奶b都厭奶？我都擔心一星期後我要返工，bb又唔肯食冰奶點算好呢？另外唔知d人奶從雪櫃攞出來座熱後如果bb未肯飲的話，咁可以點樣keep耐d唔駛即刻倒掉？座熱了的人奶最耐多少小時後不能飲呢？
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
bb兩個多月大，之前幾日已經開始好抗拒埋身食，吮兩三下就扯乳頭出來，之後又吮兩三下咁，每一餐都食得好唔正經，我已經好擔心帶咗bb去見醫生，但醫生又話冇咩特別，只係開咗d開胃藥水，但今日bb食奶都係好少，除咗半夜4點個餐半睡狀態肯埋身之外，之後哥 幾次都吮唔夠五分鐘就好扭計，用盡力反抗兼同我乳房保持距離，我真係好擔心，唔知bb係因為之前出奶太急嚇怕了定食滯了？而且雖然埋身很短時間，但bb卻三四小時也不叫吃奶，好像不太餓，我又嘗試泵出來餵他，但不知是否自己太擔心又緊張，每隔三四小時泵曬兩邊乳房才得1~2oz,但如果比bb吮bb吮幾啖就扯乳頭出來時會滴奶的，但刻意泵奶卻這麼少，我只好把之前的冰奶給他吃，但4oz只吃了2oz又大哭不吃了，冰奶座熱了不吃又要倒掉，bb又不肯埋身吮，自己泵又泵不到多少，我急得哭了一天下午，為了返工儲的冰奶還未夠，bb現在又突然不肯埋身，我真的不知如何是好，這是否意味著我只能放棄？但我真的好想繼續餵人奶....可否幫幫我？