You are here討論區 / 早產及0 - 2 個月寶寶 / BB 有黃疸, 兩個鐘餵一次
BB 有黃疸, 兩個鐘餵一次
檢驗有結果: 除左黃, 其他一切正常, 真係好喇~ 
唔怕，驗血可以知道咩原因，到時可作出合適的治療。
我個仔都黃左個半月先退得晒，有些BB，更黃到三個月添呢。
今日去健康院, 仲係度到一百六十幾度, 即係過去兩星期 (12/7 起) 一D改善都冇呀!
醫生話, 滿月都未退, 擔心係肝臟有問題, 星期四要去醫院抽血檢驗, 好擔心呀.......
請問, 如果只係因為餵人奶退得慢, 會唔會咁慢架? 滿月都未退喎?
呀~ 明白了~
通常都要到六個星期大先會有個相對較穩定的食奶時間，慢慢來吧。 
至於BB食奶一時一樣，為甚麼BB要吸吮媽媽的乳房呢？
BB需要吸吮的三大理由是﹕
1. 肚子餓；
2. 口渴；
3. 安全感。
正如我們吃飽飯仍會飲湯一樣，尤其在炎炎夏日，BB很需要母乳中的水分解渴呢。母乳中88%是水分，因此初生至6個月大的BB，吃純母乳也不用額外喝水。這也解釋了，為甚麼BB食奶時長時短，因為有時BB是肚餓了；有時是口渴，有時是需要安全感，無論是那一樣的需要，媽媽都可用母乳來安撫BB，節省功夫呢！
哎, 我唔知道佢算唔算係 growth spurt 呀~
佢已經持續左好多日, 每日剛天光, 同埋每日臨天黑,
都有 2-3 個小時馬拉松式食奶, 有時剛放低半小時又要食,
有時餵完一邊乳房就夠, 有時要餵晒兩邊~
但係, 日間同半夜就食得少,
啜一邊少於 15 分鐘, 都可以訓 2-3 小時~
請問咁樣一日之內, 有時大食, 有時細食, 係咪都正常架?
順利過度,恭喜妳啊!
bb 食奶時間穩定未呀?
增重理想~ 可以 feed on demand, 好野~!
之前一星期返健康院一次, 今日醫生話 "咁既度數, 唔駛特登返黎喇, 下次打針先順便 check 啦" (即兩星期後) ~
增重情況係點？如果係理想就可以feed on demand，同埋留意番濕尿片次數就ok。
現在是否一星期返健康院一次？
今日再去健康院 check, 黃疸指數已經回落到安全水平, 不過都仲係有黃~ (度數係一百六十幾)
請問, 係咪一日仲有黃, 一日都仲要兩個鐘頭餵一次架?
多謝大家既解答呀, 我會繼續努力!
我個b都有黃呀, 我都係2小時食一次, 真係好辛苦架, 到差不多滿左月先至幫佢改做2.5小時一次, 過多一星期就3小時一次......現在第7個星期, 都係keep住大約3小時一次, 不過可能猛長期, 晚上有時1.5-2小時就哭要食......
恭喜你！
我個仔未滿月有黃疸，我都有白天兩小時迫佢食奶，夜晚就兩個半一時，係好辛苦的，因很多時BB爛瞓到拍唔醒，一方面要頻繁餵奶，但一方面好難令BB清醒食奶，兩難局面迫到人快癲。
但後來紀錄BB 濕片有唔少大小便，先識得放鬆，同自己講BB 有唔少output，咁input就唔迫得佢咁緊，例如今餐只係食得十幾分鐘就拍唔醒，唯有下餐再餵，自己有少少時間休息。
你都試下咁，加油呀！
我個bb都係三個月先退，比心機喂你，我相信你密密喂一定可以好快退
icedlemonade,
妳的小B 出生了,恭喜晒!
看到弟弟的樣貌,又勾起了哥哥出生時的回憶吧!
我沒有再打算生第二胎,故沒有這方面的經驗,但想那新舊事件,現實與回憶的重疊景象,一定好溫馨美妙啊!
1) 妳有著之前的經驗,應該看出bb是否認真地食奶吧! 加上妳的奶水應該比上次上得更快更多.故此小B 有機會吃得比之前幾日好的了.
2) 至於小B 是否飽肚,請留意他的濕片.每日有6-8條片就算得上是夠食的證據了.
3) 有黃的BB會懶瞓D,而妳整醒他的手法亦做得對啊.如果仍然擔心小B 沒有吃得夠多,暫時仍然維持兩小時餵一次吧.待他的黃退了,體重又回升得理想,到時就任由小B 來提醒自己何時食奶吧.
4) 相信每個初生B 的表現都不會完全一樣.有的頭一胎好好湊,但第二胎又較難纏都說不定.追食與痴身都不會在這階段養成的,只要用心去感受他們的感受,妳才會明白他們的需要.
icedlemonade,妳要對自己的經驗有信心啊!
加油!
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
我細仔 23/6 出左世喇, 今日 9 日大, 個樣同哥哥一模一樣架~
佢有黃疸, 姑娘建議每兩個鐘頭餵一次, 我哩幾日都有咁做; 早幾日去健康院 check, 個指數都唔低, 下星期一會再去健康院覆診~
佢大前日仲係每餐啜 45 分鐘, 前日每餐啜 20-30 分鐘, 尋日開始每餐只係啜 13-18 分鐘, 就慢晒口, 我怕佢淨係食到前奶, 所以猛咁刺激佢 (掃耳背, 了腳板底 等), 等佢至少啜到 20-25 分鐘~
1. 請問應該到幾時先至唔駛兩個鐘頭叫醒佢一次呀?
2. 如果只係食到 13 分鐘, 會唔會淨係食到前奶架? (我乳房有由實變鬆既感覺) 我係咪真係要迫佢啜到 >20 分鐘?
3. 會唔會係因為兩個鐘頭一次, 養成佢 "密密食, 每餐食少少" 既壞習慣? 佢會唔會以後都係咁架?
定係我地都進步左, 佢 13 分鐘已經食飽晒???
請比D意見我丫~ 謝謝~