食奶時間短了!

在我與媽媽們接觸時，十個有七八個都有這個經驗，在一日內有幾小時，多數是傍晚時份，bb好難湊，食完又哭，哭完又食，放低又哭，總之好難攪。
外國人稱之為fussy hour，原因不明，但相當常見，是正常現象。有可能因為傍晚奶量少了，所以要少食多餐，也可能天氣變化要安慰，又或者想吃多些來睡長一些，不過這都是估計。
只要按bb的需要去餵，是吃奶也好，是安撫也好，母乳餵哺在這個困難的時候都可以給bb最好的安慰。
除非bb整天都有此現象，便有可能是其他問題或有病，如果只是每天特定一些時間，一般都隨著bb長大而過去。

Purindog mama:你好！我個bb同你個bb ge情況好似，我個bb仲有一個星期先兩個月大，呢排又係食奶時間好短，夜晚又成2、3點先肯瞓，其實如果bb食咗一餐奶之後冇瞓覺，咁下一餐奶係咪要等佢喊才餵呢？因為bb一到傍晚勁扭人抱，埋身餵完唔肯瞓要人抱住先瞓，但一放低就扭計，我都唔知佢扭抱定肚餓喊，我試過如果佢食完一餐奶唔肯瞓，就會約2~3h再餵下一餐，但呢排餵親都喊，吮一陣一多奶出就扯乳頭出來，好炆憎，其實係咪代表bb未肚餓呢？因為又好容易嘔奶，請問你地係咪見bb喊得好西利先餵奶呢？因為如果等佢大喊先餵可能已經隔咗成4個鍾，但人奶易消化，4小時才餵怕唔怕呢？

PURINDOG您好！

BB的生活模式真是會日日變的，只要你能按BB 需要餵奶，BB 就會食到足夠的奶，因BB 已兩個月大，不再是初生的爛瞓豬，吸吮技巧比前叻左，食奶食得快過以前，正常㗎。

係㗎，其實戒夜奶是沒準則可言，只是一般認為晚上十一二點食過奶，能夠在翌日五六點起身食奶，中間時間沒有叫要食奶，那就叫戒了夜奶。

如半夜食夜奶時間短，那看來BB 都快食夠，會自己慢慢戒食。

食奶相隔時間是食奶的一刻開始計。

希望幫到妳。

哺乳圍巾，送禮自用皆宜，所有收益撥捐推廣母乳，歡迎選購。