You are here討論區 / 早產及0 - 2 個月寶寶 / BB食手
BB食手
多謝你的回應! 但我昨晚見我的bb好想好想訓, 但好想吮住訓, 比奶咀, 比佢食自己手, 全部都唔要大發脾氣, 訓係我隔離就吮下奶就訓, 訓一陣又想搵返來吮, 我好擔心好煩惱, 佢日日不同, 唔通我要做人肉奶咀...? 夜晚都還可以, 日頭工人揍時佢又係咁係到搵野吮(合著眼), 又滿足唔到, 訓就訓得半個鐘又醒, 我見到佢咁訓法好辛苦, 佢想訓又訓唔到...點算, 會唔會影響bb發育/發展? 不好意思..我太多問題....
bb0417您好!
同BB 一齊瞓無問題的,注意co sleeping 的安全即可,例如BB 睡在媽媽旁邊,不要睡在父母中間,BB 要平卧睡覺等,詳情請看:SLEEPING SAFELY WITH YOUR BABY
至於BB 會否因此不睡自己的床,其實不是所有BB 都會自己睡,有些BB 喜歡跟大人睡,這是因為BB 需要大人的安全感,如果媽媽的安全感能令BB 睡得好,大家都可以一覺睡到天光,大概沒有媽媽會介意BB 睡在那裡。
哺乳圍巾,送禮自用皆宜,所有收益撥捐推廣母乳,歡迎選購。
nikitac, 多謝你的回應呀, 我都有試過訓係到餵夜奶, 但我攰到訓著左, bb食左幾多我唔知, 淨係知佢都一樣訓到死豬咁, 咁做有冇問題ga? 同埋若常常都係咁, bb會唔會慢慢唔肯訓自己床ga?
bb0417您好!
餵母乳的大原則是按嬰兒需要餵哺,所以健康及足月出生的BB,我們不會迫BB 食奶,亦不會迫BB 戒奶,因為BB 自己會調節需要,而媽媽的角色是回應BB 需要,這種需要,有時是生理的例如肚餓,有時是心理的例如唔開心。
如果BB食夜奶但好快離口,咁可以說BB 差不多食夠,不過因每個BB 都有不同需要,如果日後返工時仲食夜奶,餵夜奶時你瞓住餵,那你就可以爭取休息。
希望幫到妳。
nikitac:唔好意思, 我係新加入的, 因為看到Lamlamhimhim與自己有同樣的煩惱, 所以想問下, 我的bb也是快2個月, 但近來晚上會叫吃夜奶, 但都好快離口, 衛生署的姑娘話如想bb戒夜奶就唔好比佢食, 可以嗎? 姑娘指若晚上給bb食會鼓勵bb起身食夜奶. 但唔係話人奶bb會自己識調節, 佢要食就比佢, 到大啲自己會戒夜奶咩? 因我也快要返工, 擔心返工後bb也常要吃夜奶,到時唔夠精神返工之餘亦怕影響奶量呀
多謝你ge意見
lamlamhimhim,
BB 有兩個月大,佢可能已經對食奶的技巧已掌握得吾錯.而妳的奶水亦都上得幾好,佢有可能係用短D時間就食夠的了.
亦有可能係BB 鍾意慢慢食,而妳在BB 食左一陣後,有噴奶反射,出奶較急,跟住就吾鍾意喇.
如果BB 有咳,有俗親的表現,妳在餵奶時,人要各後"挨",奶水就會出得慢D.
如果情況無改善,可能響餵BB之前,就要先將前奶擠出部份,為奶水減壓.
nikitac、au115你好!好多謝你地ge解答,bb一般半夜2點半先肯訓著,之後會到5點半至6點起身,可能我一見佢離口就立即放低佢,等我再試下你ge方法先。
另外,想請問下呢排bb食奶好快就離口(約5 min),抱起掃風後再抱他再餵就喊,有時就算肯再吮,但一吮到奶就會即刻郁來郁去把乳頭扯了出來,我試過夾硬扶著他的頭等佢唔好郁,但bb會一邊吃一邊苦口苦面發出唔唔聲or叫,是否代表已經飽不想吃?但不比他吃他又會食手,比佢吮時佢一吞到奶就郁晒身,每次都好論盡,bb食了5min離口了應否再比佢吮?但按壓乳房仲有好多奶,只吃5min會否吃不到足夠後乳呢?
lamlamhimhim您好!
BB 平日幾點鐘起身?有時佢地未必肯早瞓,所以tum 極都唔瞓得耐。其次係BB 仔會比大人醒瞓,除了用餵奶方法令BB 瞓著,離口後唔好放低住,再Rocking or walking down,或同BB 一齊瞓,用手拍下BB 的pat pat 或背脊。
六個星期大的BB 可以食安撫奶嘴而唔影響奶量及吸吮技巧,因為BB 已大個唔似得初生時咁爛瞓,而且食奶比以前食得叻左。
我都有依個情況。可能係瞓嘅姿勢唔好,我會再擺好位,己住bb側睡時,放個纜枕係他背部,甘就唔會亂動,都唔會甘易扯開
au115 好多謝你鼓勵,我都試過訓係度餵,但bb好容易扯咗個乳頭出來...
Lamlamhimhim:我都有過依種經僉,你唔好甘著急先。心情唔好會影響奶量,不如你trytry瞓係度喂,用奶奶代替手指,甘食食下他自然會瞓。如果就黎返工,就要儲定奶,到時就唔會甘辛苦
nikitac你好!我個bb快兩個月大,最近都成日食手,尤其係夜晚,佢又食手又唔肯訓,每晚8、9點後埋身食完唔肯訓,一放低就喊,抱着要吮住乳房先肯訓,一路吮成個鐘一放低就醒,吮到兩邊乳房都軟晒冇奶了仍要吮,以為他不夠飽開奶粉又不太吃,我一路由8、9點抱他,期間不停吮、放下、大哭、再吮,每晚都要成半夜兩三點先真正訓著,攪到夜晚食奶時間亂晒,連續抱幾個鍾都唔知幾時係食緊奶?好辛苦,我好快要返工,持續下去朝早返工點頂?我應該點做?家人叫比安撫奶咀,但我怕食咗奶咀會食少奶,人奶量減少,但晚晚都係咁真係好辛苦,我一路抱一路喊,是否bb日夜顛倒了?日間他不會這樣的,日間埋身食完可以訓3~4h,但一到傍晚至半夜卻好精神,不停食手,都唔知是餓定太飽?每次掃風都好多氣,有時吮到好似頂住太飽成日扯乳頭出來,又嘔奶但又要吮,我可以點做?
THANKS!!
我都希望係啦. 不過好感恩佢呢兩日食奶好好, 冇整痛我, 只係仍然爛瞓要不斷叫醒。
Cat0605您好!
平日一餐奶其實食幾耐好難講,因為BB 已兩個月大,唔會似以前初生咁爛瞓,不過一餐奶食到十至二十分鐘已經ok。
半夜就唔需要咁計,除非BB 本身增重唔理想,要食多奶增磅,如果唔係都係可以由得佢瞓覺。
candy fan您好!
留意夜奶唔好比BB 吮咁耐,你留意BB 平日食幾耐奶,半夜餵到差唔多時間的時候,當BB 的吸吮慢左,而且沒有吞口水就要離口。
我個B都係架,成日啜手啜唔停,就算餵完奶都照啜,至於夜奶,我個B宜家越嚟越食得長,之前都係十分鐘,跟住半個鐘,宜家直情要啜住瞓,我覺得佢已經慣咗要啜,嘻嘻...有時見到佢好似人哋吸毒咁,好搞笑,但我唔知駛唔駛同佢戒呢?
nikitac 都想請教一下
我小B而家都2個月大左右
但係都係食10分鐘就訓覺
健康院姑娘話佢食得少要至少食20MINS
我見佢訓左會早D餵
有時個零鐘到
咁樣其實係咪可以呢?
但我B增磅理想!
佢有時都會吮手...吮到啜啜聲...我會即刻拎番佢出黎
其實由佢啜手會唔會令到佢變啜手指呢?
BB現在是口腔期,知道自己有手手,所以會用口吮下手仔啦,這是正常的表現。
半夜食奶只食十分鐘,ok 呀,即是BB 只需要食小小奶就飽,唔飽的話佢一定會再食的,看來好快會自己戒夜奶了。
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
BB現2個半月, 開始成日食手。有時餵完,佢係度食手,加上BB成日一路食一路瞓, 令我唔知佢係飽左定口痕。呢幾晚(3-4am)我睇佢瞓成點時,佢都係度食手,隔半個鐘度就嗌食,食10分鐘就瞓返。到底我點知BB食飽未?係呢方面我真係好冇信心。