You are here討論區 / 3 - 5 個月寶寶 / 好開心呀...各位媽咪
好開心呀...各位媽咪
我因為有時要出去做義工,所以想泵定啲奶比屋企人
我係架,果時佢喊我就比佢啜,試過一次佢啜過不停,放低唔夠半個鐘又喊,果次啜咗差唔多7個鐘,咩都做唔到,開始既時候,我堅持日頭唔補奶,夜晚瞓前先補奶,但後來增磅唔理想,姑娘同呢度啲媽咪都建議我餵夜奶,於是我夜晚捉BB起身餵佢食,發覺對上奶真係有啲幫助,而且夜晚啲奶好啲架,好似多啲添,就係咁我做咗全人奶媽咪,你都可以試吓
恭喜你!成績咁好,為你高興!繼續加油!
BB 的身體會知道需要吸收幾多養分,過多就會排出體外,剛剛好就會少d,就是咁簡單,無論有便便定無便便,我們都可從BB 的表現,例如係咪食得玩得精神爽利得知BB 有無問題。
如果唔需要返工就無謂泵奶了,又要洗又要消毒咁多功夫。
繼續加油!
Candyfan你好叻呀!餵到bb咁健康!便便只是參考,我個女全人奶四月大,由最初食幾飧痾幾次到今日仍然一樣,但ok吸收仲重得好好,姑娘話只要精神就ok便便多少無所謂架!
teresa
好開心見到你咁成功!你真係好叻,我睇過你ge分享,好正!我都好想可以全人奶,但bb剛滿月食咗大半個鐘放低唔夠10min又喊又食手,要點做?真係再比佢又吮? 咁咪一直吮冇停手?好難一直抱住係咁吮到夜晚wo?大家都冇得休息怕唔怕仲加造得少奶?定其實要補少少奶粉ga?
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
細B宜家4個月,健康院打針兼檢查,姑娘話佢好好,做到晒4個月BB應該做到既嘢,仲做得好好,細B仲氹到個姑娘好開心,而我最擔心既增磅問題都解決了,雖然唔係好好,但姑娘話OK喎,可以接受,仲話不竟係由全奶粉轉人奶,所以會有適應期,叫我繼續努力,而細B呢幾日下午仲會小睡個零鐘,無之前成日咁扭,宜家心情真係開心到不得了,呢2個月既辛苦真係值得,仲對自己既奶量越嚟越有信心,係呢度真係好想多謝曾經解答過我問題既媽咪,多謝你哋既支持 雖然有信心,但依然仲有問題想問,就係細B之前1日都係1次便便,有時2日先1次,但呢排多咗,1日有時4-5次,咁有問題嗎?有人話人奶係好易吸收,所以唔應該有咁多便便,係唔係真呢?同埋我想問吓點樣可以泵多少少奶,係邊個時候泵最好呢,因為次次都係埋身餵,餵完再泵都已經得好少,咁點算呢?