You are here討論區 / 早產及0 - 2 個月寶寶 / 想問:點樣由人奶+奶粉逐步改為全人奶?
想問:點樣由人奶+奶粉逐步改為全人奶?
ellenleepuilam您好！
BB在補奶粉時食得快同食清，是因為食奶樽只需要輕輕一吸就有奶出，而食母乳，BB需要伸出舌頭刺激乳暈出奶，需要較複雜的吸吮技巧，所以食過奶樽的BB，食母乳就會顯得不耐煩。另一方面，因為奶樽的流量流得快，也令BB輕易食得清。
BB食奶食到好快睡著，留意BB吸吮減慢時，你用另一隻手擠奶，吸引BB 食奶，可睇呢條片: http://www.breastfeeding.org.hk/post/1471
若兩小時餵一次，記得留意BB 一日有沒有換到五至六條夠濕的尿片，大便約二至五次，有的話就代表BB 食到足夠的奶，可以不用補奶粉了。
餵母乳是不要等到BB 喊晒口先餵，咁會令BB 無晒耐心吸吮，留意當BB頭仔兩邊拎，想吮手，咁已經係開始感到餓，你先擠些少母乳出來吸引BB 吮，咁就會事半功倍。
我都想減奶粉 
，現在我BB四星期大，每日食奶8次。
我的情況：
每次都係餵佢食人奶＋奶粉，而且食奶粉的比例都係越來越多（最多140ML）。其實我有試過比少啲奶粉，但食完之後，佢好似仲想食。
BB已經只穿尿片食人奶喇，但不出五分鐘就瞓咗。都有試過拍吓佢，但唔會維持好耐。見拍佢都冇反應，我就轉另一邊。如是者，換了好幾次，約30至40分鐘後就比奶粉，佢立即生猛番，仲食得好快㖭。
我的問題：
1．若果一日食人奶10至12次，噤即係：每個兩個鐘一次啦，每次餵到BB離口就停，我BB經常食到瞓覺（已經只穿尿片食人奶喇），我可以點呢？
2．若果每兩個鐘餵一次，噤係唔係每次都餵完人奶後，就立即比奶粉呢？若果不是，幾時補奶粉呀？
3．我BB試過幾次食人奶時食到發忟憎，忟到唔想食。我以為自己冇奶，但擠到有奶出。抱開佢時，但又想食⋯我可以點呀？
googoobear,
唔係你人奶唔夠，係你補太多奶粉了。
母乳製造是「需求越多，供應越多」的，補奶粉補得多，BB 母乳食得少，身體的分泌會越來越少。你現在應減少補奶粉，每餐減一半份量，直接餵哺BB，將個奶泵放埋一邊，奶泵只能將乳房內的奶吸出來，它不能代表你的奶量，而且BB 的吸吮是更能刺激母乳分泌。
晚上不要補奶粉，因晚間荷爾蒙分泌旺盛，餵夜奶十分幫助升奶量，一日餵10-12 次奶是正常的，因母乳易吸收易消化，故BB 會頻頻索食，你現在每邊餵奶不用限時，餵到BB 自己離口，然後先至比另一邊BB 食，能食兩邊就最好啦，唔食亦都ok。好似昊霖媽媽咁，辛苦一排好快能追上BB 食量。
加油呀！ 
我們的義工Heidi 之前曾教過一個方法是減奶粉增加母乳，你不妨參考一下：
首先，加母乳減奶粉的一個要點，就是慢慢減奶粉，而不是一下子去減。原因是增加母乳量是要時間的，如果一下子減太多奶粉，bb便會吃不夠。這便可能是bb有如此反應的原因。
以下有一個做法給妳們參考：
1. 先計算原本每24小時，bb一共吃多少奶粉。bb一般每天吃母乳量大約有700-850ml (25-30 oz) 左右。假設bb每天吃10安奶粉，即是媽媽現在的母乳量大約每天有15安。
2. 然後這10安奶粉要每日慢慢減，視乎母乳增加的情況，每天減半安至一安奶粉左右，如果奶量上升慢，可以每二天或三四天減1安。所以要好好管理減奶粉的情況，可以每日記錄好吃奶粉量。如是者，10安奶粉便起碼要10-20天時間去減。
3.同時要下功夫增加奶量，包括增加餵哺／揼的次數，每天有10-12次，餵奶時做擠壓乳房，每次餵兩邊，每次都清乳房等。
4.如有揼到奶，可以代替奶粉給bb吃。
5.一方面增加母乳量，一方面慢慢減，直至不要補奶粉。要知道奶量是否足夠，可看減奶粉期間，每天是否有5-6張濕片。如果不夠，便可能減奶粉減得太快了。
我個仔嗰時都係差唔多，個半月時都係奶粉溝人奶。
不過我發覺佢食奶粉的比例越來越多，覺得唔係辦法，從此就"的"起心肝，日餵夜餵。
嗰種日餵夜餵，真係成日坐喺度淨係餵奶嗰種，試過佢食1個鐘，休息3-4個字又再食過，就係咁樣，俾佢不停咁食，當然有時真係好TIRED，食咗4-5餐全人奶之後就會俾少少奶粉佢(記住真係要忍手，唔好俾7-8安佢，3-4安比佢頂吓就算。)。如事者過咗1個多星期之後，明顯有起色，每次索食相隔時間長咗、補奶粉的次數亦都少咗。到佢3個月大時，就完全不食奶粉啦(其實可以早D的，不過始終唔夠膽夜晚瞓覺之前嗰餐都唔俾奶粉佢，又係驚佢肚餓醒囉。)，仲食到26個月先至自然離乳。
雖然過程比初生的時候就全人奶的媽媽而言真係辛苦好幾百倍(人哋先苦後甜，我就先甜後苦，自然要付出D代價的)，但只要努力堅持，要BB變番全人奶唔係話冇可能的，而你日後亦會發現你所付出的努力係非常值得旳。
免責聲明
本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
我係人奶(一邊, 20分鐘)+奶粉(120ml) 餵bb(6week 大), 一天6-7餐, 夜晚bb飲完人奶後會食70-80ml奶粉,因為想慢慢轉為全人奶, 請問可以點做?
我知道要減奶粉,但點樣逐步減? 如果每餐減奶粉份量, 應該減幾多? 抑或立即唔餵奶粉呢? 我想日間全人奶, 夜晚繼續補奶粉, 然後慢慢cut走奶粉,咁又得唔得? 陪月話最尾一餐全奶粉(140ml), 等bb好瞓d, 其實啱唔啱架?另外, 呢個星期開始埋身餵完再單pump機pump奶,每次都好少(50-100ml, 試過朝早得20ml), 想問下轉雙pump2邊一齊pump, 係咪會刺激身體製造多d人奶? 謝謝~