想問:點樣由人奶+奶粉逐步改為全人奶?

ellenleepuilam您好！

BB在補奶粉時食得快同食清，是因為食奶樽只需要輕輕一吸就有奶出，而食母乳，BB需要伸出舌頭刺激乳暈出奶，需要較複雜的吸吮技巧，所以食過奶樽的BB，食母乳就會顯得不耐煩。另一方面，因為奶樽的流量流得快，也令BB輕易食得清。

BB食奶食到好快睡著，留意BB吸吮減慢時，你用另一隻手擠奶，吸引BB 食奶，可睇呢條片: http://www.breastfeeding.org.hk/post/1471

若兩小時餵一次，記得留意BB 一日有沒有換到五至六條夠濕的尿片，大便約二至五次，有的話就代表BB 食到足夠的奶，可以不用補奶粉了。

餵母乳是不要等到BB 喊晒口先餵，咁會令BB 無晒耐心吸吮，留意當BB頭仔兩邊拎，想吮手，咁已經係開始感到餓，你先擠些少母乳出來吸引BB 吮，咁就會事半功倍。

哺乳圍巾，送禮自用皆宜，所有收益撥捐推廣母乳，歡迎選購。

我都想減奶粉 ，現在我BB四星期大，每日食奶8次。

我的情況：
每次都係餵佢食人奶＋奶粉，而且食奶粉的比例都係越來越多（最多140ML）。其實我有試過比少啲奶粉，但食完之後，佢好似仲想食。

BB已經只穿尿片食人奶喇，但不出五分鐘就瞓咗。都有試過拍吓佢，但唔會維持好耐。見拍佢都冇反應，我就轉另一邊。如是者，換了好幾次，約30至40分鐘後就比奶粉，佢立即生猛番，仲食得好快㖭。

我的問題：
1．若果一日食人奶10至12次，噤即係：每個兩個鐘一次啦，每次餵到BB離口就停，我BB經常食到瞓覺（已經只穿尿片食人奶喇），我可以點呢？

2．若果每兩個鐘餵一次，噤係唔係每次都餵完人奶後，就立即比奶粉呢？若果不是，幾時補奶粉呀？

3．我BB試過幾次食人奶時食到發忟憎，忟到唔想食。我以為自己冇奶，但擠到有奶出。抱開佢時，但又想食⋯我可以點呀？

googoobear您好！

很高興看到你的回覆！

1. 如BB 食到瞓著之後唔食，咁就代表BB 已食夠。
2. 唔肯再吮已是代表食夠了，可不用額外補奶。
3. 留意食完奶之後隔幾耐先會喊肚餓。
4. 母乳對BB 來說是易吸收的，所以便便會較稀，只要便便有渣或小白點，那都是正常的便便。

BB 在六個月大之前，每月能有0.5KG 的增重，那就代表BB 有食到足夠的奶。

希望幫到妳。

試左一個月, 以加只係餵一餐奶粉, 但又面對另一些問題,
1. 每餐餵20-30分鐘一邊, 阿囡最初10分鐘會好努力咁食, 食得漏哂出來, 之後慢慢就會"梅"然後瞓著, 唔會再啜, 我會掃風掃醒佢再埋身食, 但佢就唔肯再啜, 係咪表示佢已經飽了?
2. 離口後, 雖然佢唔周圍搵, 又唔肯埋身再啜, 但係會咀郁郁, 我會補人奶60-80ml比佢, 咁得唔得?
3. 因為佢唔會自動雜口, 我點知佢係咪夠呢?
4. 食多左人奶, 便便多左又好"水", 有冇問題? 謝謝~

損咗唔使唔餵架，當然好似NIKITA咁講要去俾姑娘睇睇你個姿勢正唔正確啦。不過最緊要係每次餵完奶之後，用自己的母乳"查"一"查"傷口，等佢乾咗之後先至著番衫，您大概"查"得一日咁上吓，就會覺得好好多架啦。

千祈唔好信市面D乜膏物膏，我親身試過架，始終自己的母乳最好。

你要努力呀，您BB食倒45分鐘，食完冇扭計，咁就即係佢夠食啦。不過佢可能會索食密D，由得佢啦，佢要食你就俾佢食，咁你就會好快追倒BB的奶量架啦。

努力努力，捱個零星期倒就會見起色架啦。

Hi googoobear,

如果埋身食得密的話，例如一天已經餵了十次奶，我就不建議泵，因為媽媽需要休息才多奶。而且，BB 若是已經食了四十五分鐘，可以試下不補奶，睇下BB 有咩反應。

因你之前損過，你不如打電話去屋企附近的健康院，預約母乳支援服務，比姑娘睇下現在BB 食奶姿勢啱唔啱，只要BB 食奶姿勢正確，咁你好快就追得上BB 食量，而且健康院會幫你磅重，紀錄BB 重量，兩個月時會叫你回去再磅，睇增重紀錄就知BB 有無食到足夠的奶。

加油呀！

nikitac ,
今日已經開始試減一半份量, 阿囡都食左45分鐘先停,之後都冇扭計~
之前我一日埋身餵5-6次, 每次只餵一邊20分鐘, 之後不會pump清, 到夜晚1:00餵奶粉,就會pump奶(多數只pump到50ml), 一次損左乳頭,全日只餵2次,其他3次變左pump加埋先有200ml, 所以一直覺得自己奶量唔夠bb食。如果依加餵多左時間,每次埋身餵之後其實要唔要pump清?

googoobear,

唔係你人奶唔夠，係你補太多奶粉了。

母乳製造是「需求越多，供應越多」的，補奶粉補得多，BB 母乳食得少，身體的分泌會越來越少。你現在應減少補奶粉，每餐減一半份量，直接餵哺BB，將個奶泵放埋一邊，奶泵只能將乳房內的奶吸出來，它不能代表你的奶量，而且BB 的吸吮是更能刺激母乳分泌。

晚上不要補奶粉，因晚間荷爾蒙分泌旺盛，餵夜奶十分幫助升奶量，一日餵10-12 次奶是正常的，因母乳易吸收易消化，故BB 會頻頻索食，你現在每邊餵奶不用限時，餵到BB 自己離口，然後先至比另一邊BB 食，能食兩邊就最好啦，唔食亦都ok。好似昊霖媽媽咁，辛苦一排好快能追上BB 食量。

加油呀！

昊霖媽媽
你好勁呀~ 我相信自己都可以堅持全天侯餵人奶, 但係我怕唔忍心bb夜晚肚餓~

nikitac,
我有紀錄bb飲奶情況, 5月份試過,
1. 埋身餵全日total 40分人奶+pump200ml人奶+680ml奶粉,人奶+奶粉880ml已經超出"bb一般每天吃母乳量大約有700-850ml (25-30 oz) 左右。" 我係咪比多左奶比bb飲呢?
2. 另一次埋身餵全日total 115分人奶, 加pump30ml人奶, bb全日都飲左650ml奶粉,咁係咪表示我的人奶量唔夠bb的需求呢? 謝謝!!

呀，我嗰時冇咁科學化，只係本著一股牛勁去做。就連濕片都冇專登數，只不過每次BB食完後就有得疴，就當佢OK啦....不過疴完又即時又話要食過咁啫，哈哈!

我們的義工Heidi 之前曾教過一個方法是減奶粉增加母乳，你不妨參考一下：

首先，加母乳減奶粉的一個要點，就是慢慢減奶粉，而不是一下子去減。原因是增加母乳量是要時間的，如果一下子減太多奶粉，bb便會吃不夠。這便可能是bb有如此反應的原因。

以下有一個做法給妳們參考：
1. 先計算原本每24小時，bb一共吃多少奶粉。bb一般每天吃母乳量大約有700-850ml (25-30 oz) 左右。假設bb每天吃10安奶粉，即是媽媽現在的母乳量大約每天有15安。
2. 然後這10安奶粉要每日慢慢減，視乎母乳增加的情況，每天減半安至一安奶粉左右，如果奶量上升慢，可以每二天或三四天減1安。所以要好好管理減奶粉的情況，可以每日記錄好吃奶粉量。如是者，10安奶粉便起碼要10-20天時間去減。
3.同時要下功夫增加奶量，包括增加餵哺／揼的次數，每天有10-12次，餵奶時做擠壓乳房，每次餵兩邊，每次都清乳房等。
4.如有揼到奶，可以代替奶粉給bb吃。
5.一方面增加母乳量，一方面慢慢減，直至不要補奶粉。要知道奶量是否足夠，可看減奶粉期間，每天是否有5-6張濕片。如果不夠，便可能減奶粉減得太快了。

我個仔嗰時都係差唔多，個半月時都係奶粉溝人奶。

不過我發覺佢食奶粉的比例越來越多，覺得唔係辦法，從此就"的"起心肝，日餵夜餵。

嗰種日餵夜餵，真係成日坐喺度淨係餵奶嗰種，試過佢食1個鐘，休息3-4個字又再食過，就係咁樣，俾佢不停咁食，當然有時真係好TIRED，食咗4-5餐全人奶之後就會俾少少奶粉佢(記住真係要忍手，唔好俾7-8安佢，3-4安比佢頂吓就算。)。如事者過咗1個多星期之後，明顯有起色，每次索食相隔時間長咗、補奶粉的次數亦都少咗。到佢3個月大時，就完全不食奶粉啦(其實可以早D的，不過始終唔夠膽夜晚瞓覺之前嗰餐都唔俾奶粉佢，又係驚佢肚餓醒囉。)，仲食到26個月先至自然離乳。

雖然過程比初生的時候就全人奶的媽媽而言真係辛苦好幾百倍(人哋先苦後甜，我就先甜後苦，自然要付出D代價的)，但只要努力堅持，要BB變番全人奶唔係話冇可能的，而你日後亦會發現你所付出的努力係非常值得旳。