何謂上奶？

好多謝你哋既意見,我會試吓用手擠啲奶令細B盡量啜多啲,希望有助佢增磅,我會繼續努力的！

這是我的個人經驗:
1) 餵人奶的頭六個月完全未試過谷奶的感覺,因為仔仔吃得太頻密了.尤其首3個月,每每放低5分鐘後,佢又喊,又要追食咁.試過泵奶,幾滴幾滴的,良久才沾滿樽底!
2) 仔仔的濕片數量夠,大便多,就是增磅差.由出生時中細碼至2個月時加細碼...家人及醫護都好緊張.家人的反對聲日益嚴重!
3) 家人見我餵到阿仔奀晒,成日都鬧我好餵人奶,又話D醫生護士吾識野至真...一聽到阿仔喊,就叫我補奶粉!
4) 我要成日去健康院/醫院磅仔,又餵奶俾D姑娘睇,個個都話我餵得啱,仔仔食到奶.....我成日都暗自問:咁點解佢吾瞓?又吾長肉?
5) 有一次,見個護士長,對方又睇過我餵奶,說做得啱,又了解過仔仔的生活模式.....結論是,每個BB的習性有別,在初生的適應期中,會有吾一樣的表現.有的愛睡,有的吾瞓;有的愛吃,有的懶食....瞓得少的,長計吾長肉,眼仔精精的,似乎懂得我們大人的說話.就是磅數差D,吾緊要的!
6) 醫生護士的意見(認同母乳餵哺),仲有D 經驗媽媽們的實戰經歷,給了我好大的鼓舞.每次參加完他們的分享,傾計,教路,我就再次充滿信心,回家再繼續餵人奶.
7) 有了信心,再加多點耐性和愛心....終於,在三個多月後,仔仔就脫離了適應期的不安.從始之後,我們母子倆,每天都在享受著母乳餵哺帶給我們的愉快.當然,還有仔仔的健康基礎.
8) 面對別人的不理解真的好難受,量度初生嬰孩的標準又一大籬....只有過來人才會明白.我慶幸有過來人的支持,我慶幸自己有堅持下去!希望我都能夠成為支持妳的過來人.

增重唔想理往往是BB 食唔到足夠的母乳所引致，同天氣或是BB 活動量高沒關係，因為已經有研究發現食到足夠母乳的BB，每月的增重最少會有500g。不要誤會，我不是說你沒有奶，而是如果BB 沒有正確的食奶姿勢，BB 只是吸著乳房的話，BB 是沒法吸到奶的。我記得你講過，健康院姑娘說過BB 食奶無問題，那我就當BB 食奶姿勢ok，再計畫點做：

如果我係你，我會每次只餵一邊，餵的時候用手擠奶，擠多些奶出來等BB 食到多一點，直到BB 自己食到甩口，然後會用手擠或泵出來，有一兩安都好，再用餵藥的針筒或奶樽蓋補比BB，目的就係要比BB 食多d 奶落肚，吸乳房食唔足的，就額外補充。餵奶後擠奶亦有助提升奶量。

先生有意見，比佢睇為甚麼母乳最好？，不明白母乳好處的人會難接受母乳，也不會明白為甚麼媽媽要千辛萬苦地去餵奶，只要佢知道母乳的好處才會慢慢接受。

加油呀！

哺乳圍巾，送禮自用皆宜，所有收益撥捐推廣母乳，歡迎選購。

我沒有慢慢減,因為發覺是很難的,往往會因為BB喊而繼續食奶粉,久而久之就唔成功架喇,所以係BB2個月既時候,屋企人去咗旅行,我就即時淨係夜晚1餐比奶粉,其餘時間全部轉人奶囉,其實佢係有進步架,而我亦唔係太擔心,雖然食人奶冇食奶粉咁好瞓,但佢每次食完都會同我玩,有時佢食食吓仲會笑,真係好開心架,但自從上次健康院話細B成個月都重唔到1磅,我老公既反對聲音就越嚟越犀利,佢不嬲都唔太鐘意,宜家加上細B冇重,佢就想即刻轉奶粉囉,唉...而且上星期乳線塞咗,啱啱好返,又到左邊,痛到想死都唔敢出聲,好彩健康院姑娘幫我推,好返啲,但都仲痛緊,但我發覺今日左邊少咗好多奶囉,尤其頭先呀,由6點食到10點半都唔停,我試吓自己唧都係唧得好少咋,講真,由全奶粉轉為全人奶真係好辛苦,我真係唔想放棄,我相信我係夠奶比細B架,但點解佢唔重,搞到老公成日哦我,明明無壓力都搞到好大壓力...其實有時都係想上嚟呻吓...想有人支持吓囉...

Candy 妳好，
真難得妳對母乳有這樣的堅持。在多方壓力下的確不容易。
不知到當妳由兩個月吃奶粉，轉為吃母乳時，期間的過度期是如何的？當還是在吃奶粉時，是否一直揼奶還是完全沒有餵母乳？
由全奶粉（或部份奶粉）轉為全母乳，一般需要一段時間，一方面慢慢減奶粉，另方面增加餵母乳。這樣做，可確保有足夠日子去提升奶量，同時寶寶又可以吃得足。
而這期間的參考，主是濕片的數目，還有大便及增重。如果濕片足，即是減奶粉加母乳的進度良好，如果濕片不足，便要再減慢減奶粉的速度。
一般的參考，是每24小時減一安(30ml)奶粉。並視乎情況增減。

我由６點餵到宜家,細B都係唔瞓,一甩就醒,醒咗唔夠15分鐘又扭,點解會咁架,宜家餵奶餵到條腰勁痛囉,到底佢係唔飽？定係想啜？老公又EE哦哦,都唔明人奶係健康,係最好既,佢點解成日都要我餵奶粉呢？搞到我有時真係好大壓力囉,唔通數字真係咁重要？唔係應該健康重要啲咩？