You are here討論區 / 早產及0 - 2 個月寶寶 / 新手媽媽無法埋身餵....

新手媽媽無法埋身餵....

2009/10/02/ - 07:20

osmanf

Member: 659

Joined: 2009-10-02

列印版本

大家好﹗我係新手媽咪，生之前一直諗住堅持全人奶...聽左好多講座亦買左好多物品準備，但到亞b係9月28號出世，除左係產房個一次之外，佢就唔肯埋身餵。係醫院頭兩日，一埋身佢就瞓，點整都唔醒，醫院護士好比心機幫我整醒佢，逼佢啜都唔成功，最後搞到要擠出來用杯仔餵，但每次我都擠得好少，大約得5ml，亞b無小便，又手震腳震，到第三日卒之補左奶粉... 其實食奶粉佢都唔係好食...好快又瞓...不過都有30-40ml食到。到第三日番左屋企，情況更加差，一埋身佢就喊喇，好抗拒，搞到我好沮喪我嘗試繼續擠出來比佢食，但都係得5-10ml到，於是補奶粉，佢開始食多左，先食5-10ml人奶，跟住食4-50ml奶粉。到昨日第四天，我既奶開始多d，用泵奶器泵出尼，有30-40ml度，最多試過50ml(兩邊加埋)。
我而家諗住每三個鐘泵一次，跟住比佢食40ml人奶+40ml奶粉。希望奶量再多d就可以全人奶。

但我有幾個問題想請教大家﹕
1. 我諗住暫時都唔埋身試，因為覺得佢已知道埋身係逼佢啜，但佢又覺得無乜奶啜，所以好抗拒。我想等奶量多d再比佢埋身試，唔知咁樣ok嗎？
2. 佢昨日得兩條濕片，四次大便，這樣ok嗎？
3. 我既奶量是否大少，兩邊加埋都係得40ml？通常到幾時奶量先會多？
4. 點解佢一埋身就瞓？而家仲喊到拆天咁樣？有無咩解決辦法？

我好希望可以做到全人奶媽咪，即使係全泵都唔介意，但可以埋身餵就更加好。希望大家幫下我...非常感謝﹗

列印版本

2009/10/06/ - 13:33

miuliu

Member: 85

Joined: 2008-10-13

osmanf 每次埋身餵是要用手邊擠奶,

osmanf

每次埋身餵是要用手邊擠奶, 邊把乳頭放進小咀裏, 初期用手擠奶幫他吸啜, 待他明白是餵奶中, 他便慢慢會吸啜。盡量不要用奶瓶餵他, 需要時便用匙餵。

不要放棄, 你一放棄bb便少了一樣珍貴的禮物。用耐心去照顧他, 教他吸啜, 一次又一次他一定學懂的, 不要擔心, 比一些時間bb便可成功。

2009/10/02/ - 10:53

Stumama

Member: 96

Joined: 2008-10-18

如果你想小朋友肯埋身食，每次食奶都抱住佢埋身食左先，除衫褲

如果你想小朋友肯埋身食，每次食奶都抱住佢埋身食左先，除衫褲只穿尿片，你就脫去上衣，等BB 同你同d 多肌膚接觸，因為咁樣有助BB 穩定情緒架，跟住再慢慢tum 同教佢，乖乖地食媽咪奶奶，比多少少耐性BB，我個朋友佢個B 一出世就入左NICU，無得埋身，出左院唔肯埋身食人奶，我朋友用左兩個星期去教BB，慢慢由食一陣間人奶加補奶粉，教到BB 肯埋身食唔抗拒，只要比ｄ時間，耐性同愛心，一定成功架！

只要BB 肯埋身食，奶量就會無問題架喇，因為BB 越大就會越多奶。

加油！