餵人奶媽媽,在生產前可以做的事!
[quote=yuengooluk]我的陪月跟我說, 她一眼就可以看出誰人可以成功餵人奶了. 不是看乳房的大小呀, 是看該媽媽有無決心! 她說, 只要有決心, 媽媽一定會努力餵奶, 即使遇上問題, 也永不放棄。。。。[/quote]
係播！係播！
有決心的人，真係個樣都＂醒＂Ｄ，俾人一眼就睇出黎喇！
我地識揀母乳餵哺既，梗係＂醒＂字派啦！ 
我的陪月跟我說, 她一眼就可以看出誰人可以成功餵人奶了. 不是看乳房的大小呀, 是看該媽媽有無決心! 她說, 只要有決心, 媽媽一定會努力餵奶, 即使遇上問題, 也永不放棄; 否則, 必定因各種原因而放棄了.
所以, 我認為準媽媽們要在產前盡覽母乳資訊和思考一下為什麼要餵人奶, 產後則本着無比的決心餵奶去.
我覺得生之前聽講座好緊要，要有個概念知道咩係正確吸吮姿勢，要知道生完就馬上餵奶，要知道密密餵就多奶；其次就是有問題時要知道邊度有人幫。缺一不可，但可惜的是大部份的人會問買咩功具有用，其實最緊要是裝備好自己就得。 
生後快些上奶的方法，這是我親身體驗：
1. 密密埋身餵哺，第一個月每隔2-3小時一次，但係初期每隔2小時就要餵哺一次，辛苦就辛苦咗啲，但係「黃金初乳」萬萬不可浪費，這是給寶寶唯一而又最珍貴的保健食物。
2. 多飲溫水，每次餵哺完畢必須飲水。
3. 保持心境輕鬆及愉快，因為情緒會影響奶量。
4. 邀請家人支持及參與。
5. 多向新一代持續餵哺母乳的朋友請教及分享。
祝一切順利、平安健康！
Katherine Yuen
我餵哺母乳就快一年了！實在感到興奮！記得懷孕初期，我反反覆覆問自己產後是否餵哺母乳？很辛苦嗎？做不做到？一大堆問號... 但當看見當肚子一天一天長大，胎兒一天一天在肚裡不停跳動時，已沒再掛上任何問號，因為我堅決決定送一份「最珍貴的禮物」給寶寶，而這份禮物實實在在只有我能夠給予她，就是「母乳」了！寶寶出世後，我給她六個月100%全母乳，之後需然要開始進入添加食品階段、如：糊仔、粥、菜、肉、水果等食物，但我仍堅持給她母乳。至今，她已有兩顆小牙，但我仍保持早晚餵哺母乳，沒間斷過。
寶寶下週便一歲了，真的感到驕傲！感恩看見寶寶活潑健康地成長！
係架,餵人奶聽落係好自然,好正常!但到真正實踐時,又週不時問題多多.
原因其實不一定出在"餵母乳"方面,而係大家都緊張個初生BB.
面對個BB的哭鬧呀,起居照顧,甚至大小便等等問題,係會令到D 新手爸媽手忙腳亂.再加上一個吾多人認識同了解既項目---餵母乳,於是,就會將以上的各種問題與之拉上關係.
例如: BB喊呀? 係咪肚餓呀,會吾會係妳吾夠奶?
BB 吾瞓既? 係咪妳D 奶既問題呀? 梗係佢食吾夠飽吾瞓喇!
BB 啲大便咁既,吾同人地阿邊個果D 既? 係咪妳D 奶吾好呀?
身為媽媽,對於吾能夠即時明白及了解親兒的狀況,已經好有挫敗感,如再加埋別人一連串既問題湧埋黎,真係好大打擊架!定力少D 都俾佢地嚇親,甚至懷疑佢既質疑係事實.
babyBtam:
妳已經做得好勤力喇.知多D同了解多D,就係實行餵母乳前既最好準備喇.
每位媽媽在生產完,胎盤脫落後,就會啟動造奶機制.
至於上奶的快與慢,多定少,會因人而已,亦不是人人相同.
但是,"盡早餵! 勤D餵! 少用奶樽!",就同媽媽上奶,與BB學習食奶好有關喇!
吾單止媽媽可以做定功夫,其實爸爸都要了解埋一份架.
夫婦同心,妳負責餵奶,先生幫忙隔住其他人既質疑,又或代妳向他們解釋佢地既質疑,咁又會令餵奶過程順利好多架!
如在餵奶時有任何疑問,記得向有"成功"經驗既過來人請教啊!
我地都好歡迎妳打黎"熱線"同上網提問架.
到時,我地又再一齊分享經歷吧!
祝一切順利!
謝謝趣脆和Heidi的分享...我還有1個多月就生了...之前已上了3個有關餵母乳的講座，也看了由母乳育嬰協會、醫院和LLL派的書仔，雖然知道餵母乳不容易，但卻十分期待，不過暫時令我較憂慮的是我怕上奶慢，現在可以預備／做什麼令到生後快些上奶呢？
兩位說得對呀!
很多時未能成功餵哺或餵哺時出現的問題都時媽媽對母乳的認識不足, 所以出現很多問題, 如果能夠早d 了解多d 便可被免問題的發生, 亦可成功餵哺。
很同意趣脆的講法。在我與媽媽們傾談時，都感受到新媽媽們的困難。有不少很想餵母乳，但因為在醫院時遇上總總困難，得不到一個好開始。之後又受到各方壓力，如醫護人員，家人朋友等，以致未能以純母乳餵養。
我發覺到，有些實戰要訣，有助媽媽們餵哺母乳：
﹣不要隨便加奶粉，bb吃了奶粉，自然吃少了母乳，減少了需求，供應便下跌，問題便更多。
﹣自己的要求，要向醫院清楚說明，要十分十分一百分堅持
﹣遇上有任何困難要盡快求助，不一定以補奶粉來解決，因為這樣反而帶來更多問題。
﹣尋求支援是相當相當重要及有用。產前可聯系支援組織或專業人士，或有純母乳餵養的經驗媽媽。
﹣緊記著，人類是哺育類動物，千千萬萬年來都是吃母乳的！奶粉只是近幾十年的商業產品。
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
最近一次飲宴,遇到一個懷孕親戚.傾講後,對方知我餵過人奶,仲餵左吾短時間,佢問了我一連串問題:
1) 係咪臨生bb 前就要飲定魚湯黎補下?
2) 係咪一定要買定奶泵?
3) 未上夠奶係咪補住奶粉都得架?
bla bla ......仲有好多.入席前,一直在傾這些.
我告訴她,咩都吾需要咁急做住,最緊要係揾多d 呢方面既資訊睇,例如上網,或者睇書,去參加講座.要識得揾正確既資訊,吾好聽埋d 失敗個案就當係必然.
餵人奶其實係好自然既事,太多擔心/恐懼係會影響實戰效果.但係咩都吾知就上陣,又係會燋頭爛額....
我再提醒這親戚,餵人奶的成功秘訣要具備以下幾點:
1) 信心: 既然上天賜了雌性哺乳動物,有母乳去餵養bb 的本能,我們做媽媽的,只要是身體健康,就可以餵奶了!
2) 智慧: 既然我們可以隨手得到有關餵母乳的資訊,就要趁在bb 未出生前,當育嬰手冊/指南般熟讀它(總比有d人,bb未出生已經去刨定入學天書好了).好讓問題出現時,我們不致於"懞然不知",甚至胡亂相信身邊未餵過人奶的人的"建議".
3) 耐性: 每個bb 是獨立個體,睥性及成長過程都不會一致的,不應將自己的bb跟別人的作比較.初生bb 輕d定重d,高d定矮d,其實不是重點.緊要的是乎合增長路線.
4) 堅持: 初餵人奶的媽媽都會較忙,較辛苦,休息也較少.但有以上元素,再加點堅持,捱過兩至三個月的新生適應期,日子就會過得輕鬆多了.而且,妳所付出的心機亦會漸見成果的了.
正在懷孕的媽媽們,好好利用這個平台來裝備日後的"餵奶"歷程喇!
祝妳們生產順利,餵人奶亦順順利利,貨源充足,長餵長有!
bb食得身體健康,精靈活潑!