You are here討論區 / 3 - 5 個月寶寶 / 乳房與奶瓶的決擇
乳房與奶瓶的決擇
講開餵夜奶,日前我跟一位媽媽傾談,對方說BB 每晚會起床一/兩次食夜奶,自己並不介意,只是有醫護人員叫她要為BB 戒掉這習慣!
我想,醫生/護士的立場是怕那位媽媽過勞而已。
其實,身為媽媽的,尤其當BB還小時,就是他不吃夜奶,妳都未必就能一覺睡到天光吧!?
我自己有鼻敏感/鼻塞,一晚當中不知會醒來多少次!
另外,又要擔心BB 整晚有沒有被濕片"淹"著屁股? 有沒有踢開被仔? 有沒有被被仔蓋過了頭?....
咁多野好掛心,能夠適時知道吾好咩?
俾BB 食下奶,自己又吾使谷過夜,對自己都舒服D啦.
我覺得,只要做得自己安心,BB又開心的,大家都舒服,有何不可呢?!
其實我自己都唔介意女兒痴我同埋夜晚要食好多次奶奶,反而係擔心咁樣係唔正常既問題,聽完各位既講法,我諗bb都應該唔係特別另類啫,我會繼續努力餵佢架,多謝大家寶貴的意見,我而家都多返一點信心喇
見到你的回應, 我好想講番d野:
其實人奶bb好多時都會比奶粉bb細件頭d, 於是d叔伯阿姨便會話人奶唔及奶粉好.
其實大件唔代表健康架麻, 你個b有沒有定期去做保健呀? 你可以問下醫生, 如果bb的體重及身高都屬於平均綫之內,便代表她/他食得足夠啦!不要盲目追求"肥bb",肥唔代表健康架!
至於佢好跟你...你覺得這是"缺點"嗎?! bb喜歡痴著你代表她很喜歡你啊,你在她心目中有著無可取替的重要地位.這正正是母乳在幫你和bb促進親子關係. 一個小朋友有幾多時間會"痴著你"呢? 你現在覺得不便,但當過多幾年,佢唔再痴你時, 你便會發覺現在的時光是多麼寶貴的!現今社會大家都是生一個起二個止,這種和自己bb相依的日子迅間即逝...要好好珍惜才對啊!
Kittyngchow03,一般情況,bb頭一年的主要的食糧都是母乳,到了九個月左右如果固體吃得好,也會自然地吃少了母乳。由於妳要上班,bb選擇在與媽媽一起時才多吃母乳,一來可以補回白天少吃了母乳,二來可以令妳保持奶量,是一個好方法。
很多bb都會半夜吃奶,以及吃母乳來入睡,是正常的。問題是妳是否有足夠休息,例如可以與bb睡近些或一起睡等方法,使母子都可以睡好些。
至於奶瓶方面,其實要餵擠出來的奶,可以用杯用匙用闊口針筒等,尤其是初生的,實在不一定要用奶瓶,況且奶瓶容易吃過量,因為奶會自動流出,以及下下吸吮都有奶出,相反,吃母乳吃多少由bb控制,而且要吸上一定時間才有噴奶反射,bb會自己控制吸吮多少來吃適當奶量。
Kittychow, bb都九個月大,佢吾會任得自己餓既.我個仔仔響十個月左右,都食第三餐固體食物.不過,食奶次數無咩少過,只係時間短了而已.所以佢要d 奶黎當"茶點"之嘛.
而且,埋身既時候,佢會感覺得媽媽是完完全全屬於佢一個人既,佢地都有私己欲望架.咪滿足下佢地囉.仲可以增進彼此信任嘛!
5mA 的問題,不一定就是bb 不想埋身食奶.
因食奶瓶的流量,是BB 做主導的,BB 想食多D,佢就吸大力/咬大力D.
但埋身餵,佢吸得幾下,媽媽有噴奶反射,BB 想食慢D都吾得,
可能係咁佢會猛憎都吾定.
亦因為咁,佢埋身時,能夠好快就得咁上下飽,所以食既時間咪短D囉.
至於半夜醒幾次,同佢大左D都有關係架.
例如佢日間睇既同接觸既事物多左,咁夜晚無瞓得咁冧都會有既.
另外,出牙仔,亦會令佢瞓得吾多好都吾定架.
相信佢就是要食,都只係食幾口,確定媽咪響自己身邊時,佢又會好快瞓番架喇.
我的情況跟你剛好相反,我的女兒由我放完產假開始就一直距絕用奶樽,每一次食奶都好似博命咁,直至女兒五個月情況才有少許改善,不過到了最近,在我返工的時侯,佢已經完全距絕食奶了,無論工人姐姐用奶樽或學習杯都唔肯進食,而家姐姐唯有用母乳開成米糊比佢食,到我放工返來就埋身餵,而家佢九個半月喇,我都好怕佢會好快唔再食奶,而且佢都有食夜奶習慣,仲要每晚都係食三四次,甚至乎要食住母乳在可入睡,我都好想知係咪我做得差,至令女兒有咁既壞習慣?近來好多人見到佢都話佢細粒,而且佢又真係好跟我,所有人地口中話母乳唔好既野都好似出現左咁,令到本來好有信心既我都開始有點動搖,但我知道自己無論如何都唔會放棄餵母乳的,希望大家可以交流下,傾訴下呀
這個長假期確是一個好機會!
有一些bb不肯吃媽媽的,可以選擇以下方法:
﹣多多肌膚接觸,除去衣服,抱多多,孭多些
﹣減少用奶瓶,用小杯小匙等
﹣在bb很想睡時喂,在半夜時喂
﹣改用新姿勢喂
﹣用半躺的姿勢,bb扒在心口喂
﹣邊行行下邊喂
原則是給寶寶安撫,建立與媽媽的親近關係。
有時候bb快出牙仔,可能等別難湊也說不定,只要有耐心,一個方法行不通再試另一個方法,一般bb都會在幾日後便再肯吃。
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
渡過了一段風平浪靜的餵奶日子, 新的問題又出現了!
我是上班媽媽, 每天早上離開家時bb還未起床, 所以bb由早上第一餐開始, 便是工人用奶瓶餵她母乳. 在我上班期間, 阿b會飲3次奶 (由工人餵我前一天預備的母乳), 我下班回到家便會埋身餵她. 有時晚上我和先生出街, 也會讓工人餵多一次奶瓶. 但無論如何,深夜至清晨時段一定是埋身餵奶的.
以上”運作”模式持續了幾個月都相安無事. 阿B雖然不見得特別喜歡埋身餵, 但也不抗拒.
直至最近半個月, 我發現阿B只肯在傍晚至清晨讓我直接餵…白天絶對不肯吸吮我的乳房.
Weekend 時我堅持不給奶瓶, 結果弄得她餓得哭震天…可是她很有骨氣, 怎樣也不肯自己吸奶!
情況再發展下去, 現在變成連傍晚她也不肯讓我餵了! 只有當她睡得矇矓, 不知就裏時才會吸吮我的乳房,但吸吮的時間通常維持5分鐘左右, 短得根本不足以讓她吃飽.
我堅持自己在家不給奶瓶, 結果便讓她夜晚總吃不飽,弄得深夜清晨時段bb要吃3至4次夜奶! 五個月大的bb夜晚還要起身3-4次啊…我覺得太過份了!
下個星期一開始我會放九日假, 原本想趁著這段時間多讓她吸吮,好刺激正在減少的奶量. 可是面對她這樣抗拒埋身餵…我的堅時會不會搞到她吃不飽,我也辛苦呢?! 人生交叉點!
我應不應放棄執著, 即使自己放假在家, 阿B喜歡奶瓶便泵奶出來給她吃吧???!!!