九個月的心聲
Miu, 妳講得真係好。有甚麼理由奶粉可以食到小學,甚至大人又要食,孕婦又要食,連老人家都話要食,但人奶食耐些就會有問題?
好多人都忘記了我們是哺乳類動物!日日食人工食物,以為比天然好。
再遇到呢d情況, 可以搬返世界衞生組織建議出來, 人地話可以餵到2歲以上, 直至唔食為止. 倪匡都食到22個月啦.
問返佢 -- 請問話餵到3個月, 6個月, 係邊個話呀, 係咪"母乳資訊由胃氏提供"呀? 人地想你買2號仔奶粉咋, 咪中毒啦. why奶粉就食到讀小學都要食, 飲食均衡就唔會怕無營養啦.
"Volunteers don't get paid, not because they're worthless, but because they're priceless!" - Sherry Anderson
係㗎,我都覺得只要肯餵就好有機會成功。我的加拿大同事好多都餵人奶,佢地仲覺得BB 仔食人奶係天經地義。
診所姑娘唔需要有專業資格都做到,因處理的是文書工作,質素參次,如果我心情唔好,我會回佢:「關你咩事!」
Breast is BEST!
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
今日因為腸胃炎,連續肚瀉左幾日,於是落街睇醫生,醫生叫我食左藥休息下,我當然第一時間話佢知我係餵人奶,唔知d藥有無影响,跟住姑娘唔多友善咁話,你同醫生講佢會就住開架喇,咁醫生問我bb幾大,我答佢九個月,佢話無問題,個姑娘竟然話,唔係麻,九個月仲食人奶?要戒架喇,嘩,我當時心諗,你雖然係診所姑娘啫,但話晒都係醫護人員丫,點可以咁講野架
回想呢九個月來,身邊確實有好多類似姑娘咁既人,曾經有兩個擁有同我個女差唔多大既麻麻在我個女六個月時專程搵我同我講,你個女到左六個月喇,唔可以再食人奶架喇,其實三個月左右就要停架喇,無營養架,我當時心諗,好在你地唔係我個女既麻麻啫,雖然我奶奶曾經都有一刻懷疑過我d奶有問題,但佢最終都係繼續支持我以全母乳餵哺bb
經過呢九個月,我真係深深體會,原來香港好多人對母乳既認識真係有限,身邊好多朋友,都曾經努力嘗試餵哺母乳,但最終好多都失敗,而十居其九都係話自己唔夠奶,有時我苦口婆心叫佢地比信心自己,你一定夠架,佢地反而覺得我痴痴地,好高興入到母乳育嬰協會,响呢度,每一個人都係全力支持母乳的,有時都覺得終於有人支持自己喇,而家bb九個月喇,我會繼續堅持以全母乳配合固體食物餵佢的,在這裡順道多謝一直支持我餵哺母乳的同事,每天幫我頂工作,好讓我騰出時間去泵奶,真心多謝你地