You are here討論區 / 早產及0 - 2 個月寶寶 / 餵奶煩惱,向各位媽媽幫忙
餵奶煩惱,向各位媽媽幫忙
我都同樓主既問題差吾多呀 我已經每2個中泵1次 但月泵月少奶 得20—30ml
埋身好差 已經去過健康院搵人奶姑娘3次 但都系無乜用
我好想好想餵到人奶呀
我個BB剛滿月.
因為我係開刀生, 所以上奶慢, 即使上左奶都因為乳頭一帶嚴重水腫BB吸吮有困難.
回家後家人想我多休息, 所以自行用奶樽餵奶粉俾BB食.
而家BB既情況同樓主一樣... 只吸吮5-10分鐘之後離口, 但一放落床仔就喊 (因為食唔飽).
或者呢個就係「乳頭混淆」了. 奶樽出奶快, BB覺得埋身食得慢, 食左一陣就懶吸乳頭...
所以我唯有轉做泵媽, 將母乳泵起再儲到一餐份量俾BB食.
果然一轉用奶樽餵母乳, 佢15分鐘就食飽飽可以掃風訓覺, 而且訓足3-4個鐘, 尿片濕左都繼續訓.
我既奶量唔算多, 起初兩邊共泵一個鐘, 加埋先得40ML.
隨住BB大個食量增加, 我迫自己多飲水, 晚餐飲兩大碗湯, 泵奶前更加要飲兩大杯暖水.
泵前要按摩乳房 (因為太硬谷住會影響泵奶), 有需要可以熱敷 (用坊間賣既熱敷墊或將熱毛巾叮熱).
而家我一日泵3-4次 (6am, 10am, 4pm, 10pm), 下午盡量埋身俾佢吸下咁.
加上使用手擠幫助清奶, 而家每次泵1個鐘可以有50~60ML奶.
啲奶都係近來先去到「泵兩次夠做一餐」既水平咋!
自問唔係勤力的媽媽, 自己泵奶唔算密, 晚上BB有食奶粉.
不過因為將快上班, 公司未必容許密密泵, 為免將來乳腺發炎, 只好放棄全母乳餵哺.
我地一齊加油啦~ ^_^
Szeyanma, 我同你嘅情況完全一樣呀!人地泵一次夠食一餐,我已儲一日先得一餐
有無人幫到我地呀?其實係咪已經太遲,奶量仲有無機會上返?
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
其實有可能係個泵唔夾你地,我試過幾款泵,有一D泵得好好,有D泵唔到,喇叭太大會泵唔到,太小會痛,唔夠力都泵唔到,試下換喇叭size