BB 十幾日人仔,出世頭一個星期係全埋身,之後黃要入院照燈,都係繼續埋身,但開始發現BB一餐食完好快又喊,每次都食到佢自己鬆口,同埋時間都有15-20分鐘以上,但一放低半個鐘左右又肚餓,喊同左擰右擰張開口想食野,由於食得太密搞到我兩邊乳頭都損哂,之後就開始有泵出來比姑娘夜晚餵(用chu chu 母乳BB專用個隻奶咀,BB要用力才有奶出)。
照燈一共4日,頭兩日全埋身,後兩日每日只有1-2餐埋身,其他時間都係泵出來餵,但好明顯泵出來餵佢食得飽D,一餐食到80-100ml,可以訓3個鐘,如果埋身食完大約半個鐘又喊醒搵野食,再用樽補60ml比佢先夠。
後來返到屋企,我再試埋身,每邊比佢食30-40分鐘,佢一停口我就整醒佢,見到佢個咀不停啜,但兩邊加埋食左成個幾鐘,之後隔唔夠半個鐘又喊醒,再補多80ml比佢先夠(正常佢一餐食100-110ml) , 咁係唔係即是佢埋身啜個幾鐘先食到30ml呢? 點先可以食佢埋身食得好D?謝謝解答!