5個半月BB飲奶及睡眠問題

我囝囝現在5個半月, 由出生到頭一個半月都係用奶樽飲母乳(初期有補1-2餐奶粉), 之後我改全埋身, 好少再泵奶, 佢足月出世, 但得6磅1oz, 宜家約15.3磅.
(1) 到現在5個半月, 佢仍然是每3小時一餐 (其實我都唔佢幾時肚餓, 只係我每隔3 小時餵, 佢又食喎), 半夜都係每3小時一餐, 正常嗎? 還是我唔夠奶, 佢要密密食? 因為我試過泵, 最多只有2.5OZ, 好驚佢每次原來食得咁小, 我唔知佢幾時叫食完, 有時佢食完兩邊啜到忟就喊, 用手擠又真係無咩奶出, 佢食晒2邊約10-15分鐘. 好難迫佢食耐啲, 但試過泵出來用奶樽佢又唔用, 都唔知飽未, 但佢每日都有2條以上o既大便片, 有時可以4條.
(2) 佢夜晚瞓一共約11-12小時, 用奶樽飲奶時夜晚可以瞓3-4小時先喊醒要飲奶, 但轉埋身後喺11-12小時內從未試過每次瞓多過2小時, 3-4個月時佢可以每小時醒同喊, 我一共起身10次以上拍/餵佢, 宜家佢可以瞓2小時喊醒, 拍完瞓返, 但1個小時後又醒我就餵奶, 食完又瞓2小時, 1小時後又醒又食, 有時10-15分鐘後又喊, 如是者一晚好多次, 佢已經瞓我隔離, 有時攬住瞓都喊, 雖然我全職媽媽, 但呢種生活好困擾我, 佢係咪唔飽所以瞓得唔冧? 日間佢有30分鐘至2小時嘅nap (一共3次), 我試過好多sleep training都無用, 佢只會愈喊愈大聲, 唔收聲, 又要人哄/用揹帶揹先入睡, 好多時一放落床就喊(有本書話呢啲係High need baby), 佢咁o既睡眠質素會唔會影響佢成長? 佢個度得7 percentile (本人個子都小) .
有冇人有同樣經驗而宜家有改善? 有咩辦法? 我知我唔應該對自己/母乳有懷疑, 但我真係好Desperate. 好想有改善!