我BB而家7個幾月，出世到5個幾月淨係飲人奶時啲便便好靚，到5個幾月開始食米糊，便便依然好正常。不過6個幾月開始食粥仔就開始便秘，而家三日一次，每次佢都谷到面仔紅哂，便便系一粒粒硬的，有時仲有血。
佢差不多7個月開始每日食2餐粥，每餐有菜有肉，大概一碗到。我試過煲希D粥，平時又有比木瓜、蕉同蘋果佢食，佢全部都肯食。另外日間會飲450ml人奶，加晚上至第二朝大概3－4次埋身餵的人奶。
佢唔太鐘意飲水，之前試過用蘋果煲水比佢飲，佢就幾鐘意，每日都飲到100ml左右。
我估計佢係唔夠水份，於是呢2日開始只於中午餵一歺粥，將晚上果歺減去，改為人奶，希望佢吸收多D水份，可惜冇改善，便便依然得幾粒硬的。平均三日先有一次。
我希望可以用天然方法幫佢，所以一直冇帶佢去睇醫生，不過佢便祕已經2個星期，試過不同方法都冇改善，再唔得都要带佢睇。 
見佢每次便便都喊好心痛。不過其餘時間佢係活躍的，唔似唔舒服。
各位有何高見？