唔知點解我埋身餵阿b, 每次都係佢自己停口我先收工,有時覺得佢未食夠我仲會餵晒兩邊,離口個吓明明見佢個樣好滿足,但次次都最多頂個令兩個鐘又喊食下一餐。
反而有時畀5oz pump奶阿b食,仲可以頂3~4個鐘。why why why?
已經去過健康院畀姑娘睇,佢仲話阿b食得叻,姿勢個啲都無問題,亦都確保佢每日有6塊以上濕片,增磅理想,所以我深信阿b唔係唔夠飽,我亦唔係無奶畀佢飲!
同埋我聽屋企人講,我有時埋身餵完佢之後自己出街,留底阿b係屋企,佢見我唔到個餐佢又頂到3~4個鐘喎,我係屋企個時就一定頂唔到咁耐,搞到我自己都無時間休息咁滯,咁其實阿b係咪只係扭我呢?如果佢咁扭,我畀唔畀佢食好呢?唔畀佢食係咁喊都唔係辦法,好苦惱!