阿b38日人仔，全母乳餵哺，埋身及樽餵各半。前兩日開始發燒104度，右邊胸部疼痛，即時去睇醫生，診斷為乳腺炎，開咗panadol同抗生素，食咗葯之後，尋日退到99度，有埋身再餵阿b食右邊乳房，晚上就正常繼續泵奶，點知發現右邊除咗吸出奶水之外，仲有好少量(一舊仔)好似鼻涕狀嘅黏液係乳頭位置，今早再泵奶，亦有同樣情況，而且又再燒返上103度!
想請問我使唔使再睇醫生(啲抗生素未食晒)?
同埋右邊乳房泵出嚟嘅奶要唔要得?因為期間我有畀阿b吮過右邊乳房，好擔心阿b唔知會唔會吮咗啲膿液入肚，影響到佢!
因為今日星期六，再睇都係去返屋企附件啲私家醫生!