You are here討論區 / 早產及0 - 2 個月寶寶 / 急: 乳腺炎高燒不退

急: 乳腺炎高燒不退

2013/12/14/ - 10:18

Camilla LIU

Member: 4749

Joined: 2013-12-14

列印版本

阿b38日人仔，全母乳餵哺，埋身及樽餵各半。前兩日開始發燒104度，右邊胸部疼痛，即時去睇醫生，診斷為乳腺炎，開咗panadol同抗生素，食咗葯之後，尋日退到99度，有埋身再餵阿b食右邊乳房，晚上就正常繼續泵奶，點知發現右邊除咗吸出奶水之外，仲有好少量(一舊仔)好似鼻涕狀嘅黏液係乳頭位置，今早再泵奶，亦有同樣情況，而且又再燒返上103度!

想請問我使唔使再睇醫生(啲抗生素未食晒)?
同埋右邊乳房泵出嚟嘅奶要唔要得?因為期間我有畀阿b吮過右邊乳房，好擔心阿b唔知會唔會吮咗啲膿液入肚，影響到佢!

因為今日星期六，再睇都係去返屋企附件啲私家醫生!

列印版本

2013/12/15/ - 21:28

nikitac

Member: 4

Joined: 2008-03-13

Camilla

Camilla LIU您好！

聽你咁講，那些黏液可是是膿，那一邊唔好餵奶，但可泵奶keep 奶量和等佢唔好塞，泵出來的奶唔好要。留意下食晒藥病情有無改善，未好番就再睇多次醫生，另外有以下事項要留意：

盡快往醫生處檢查(最好是對餵母乳支持及有認識的)，看看要否服用抗生素及止痛藥(有關可否吃藥及影響，可參考Q22)
一般情況下，是可以繼續餵哺的。如停止餵哺可能令媽媽因缺乏嬰兒的吸啜而影響奶量，及乳汁無法排出，或會令病情惡化。
如乳腺炎的情況嚴重，如母乳中有膿，便停止餵那邊乳房，停餵期間，必須將母乳擠出(用手或擠奶器)，以保持奶量及乳腺暢通。
每次均先餵正常那邊乳房，令有乳腺炎那乳房有噴奶反射才開始餵哺。
令有乳腺炎那邊的乳房出現噴奶反射時才開始餵哺。
盡量擠清(用手或擠泵器)有乳腺炎那邊的乳房，令乳腺暢通。
必須卧床休息，可在床上餵哺嬰兒。其他的家務及照料嬰兒的工作由家人協助。
可熱敷以舒緩痛楚及幫助出奶，亦可按摩乳房。
飲用大量水份。
配戴合身(不可太緊)的胸圍。

有問題記得打比醫生問下或打去健康院問。希望幫到你。