你好，
我囡囡剛滿2個月，全埋身人奶餵哺。已介了夜奶。因為再過2星期便開始上班，所以現在要準備泵奶時間表，想請教一下以下的編排是否合適。因工作壓力偏大所以擔心奶量不足夠。
Bb現在大約3.5-4小時食奶，夜晚最後一餐在11：00，佢就會6：00多起身。一日食6餐。早幾日試過用樽餵，但佢一時會食3安，有時會食到4.5安。我朝早邊餵邊泵會有2.5-3安，夜晚1-2點會起身再泵，泵2邊最多也只可以泵到4-5安
上班泵奶餵奶時間表如下 （3.5小時一餐）
5：30 第一餐。叫醒佢邊餵邊泵 （泵出來下餐食）
9：00 第二餐
12：30 第三餐 +泵奶
16：00 第四餐
19：30 第五餐， 邊餵邊泵
23：00 第六餐， 邊餵邊泵
1：00 泵奶
想闆一下
1）如何定佢一餐食幾多安，要規定還是見佢唔夠食再補俾佢？
2）聽說bb越大可以訓越耐，那我應定佢第一餐的時間叫醒佢食定等佢自然醒，定提前最後一餐的時間？
3）第一次同第二次泵奶會相隔7小時，會否影響奶量，但工作不可離開太久，若在10點左右用手擠5分鐘有幫助嗎，同樣5：30放工，我應該放工後擠奶5分鐘再趕回家餵第五餐，這樣是否合適？
4）這樣可防止奶量下降嗎？
多謝解答