仔仔出世頭兩個月都係全人奶B,開始食手指之後,好快就腹瀉,每餐都瀉。帶佢睇醫生,被建議停人奶飲豆奶。因為係新手媽媽,所以聽醫生建議停人奶。過咗幾日已經發現奶量大不如前,又見仔仔啲便便靚返啲,無咁水,於是又餵返,結果又係每餐都瀉。再睇醫生,佢話我轉人奶轉得太快,腸胃未適應,結果又要從頭嚟過。到仔仔便秘,帶佢去食輪狀,同日轉返人奶,唉,又瀉。上網睇話輪狀有機會瀉,過幾日都仲瀉,又睇醫生。今次佢話輪狀唔會瀉,網上咁寫只係有機會,但係無家長投訴食完之後會瀉,又話係我轉人奶太快喎。自從飲返人奶之後,仔仔已經唔鍾意飲豆奶,每次飲安幾兩安就唔飲,但係俾人奶佢就係咁啜。唔忍心唔俾佢啜,再加上而家啲奶量一餐都唔夠,真係好想俾仔仔飲多啲。已經斷斷續續瀉咗成個月,究竟幾時先可以轉返飲人奶而唔瀉?啲奶量又點樣先可以好似以前咁充足?