我係全人奶媽媽,呀B依家個半月大,全埋身身餵,依家開始想泵奶儲備不時之需,但遇到以下問題,請指教:
1> 依家岩岩開始試泵,1日泵2次左右(埋身餵後再泵),其他時間埋身餵,每餐泵得1-2onz,問題係,我每次泵出黎既奶量咁少,點儲存呢?我知要放係雪櫃,但每次得咁少奶...如果每次都用儲奶袋咪好浪費同埋D奶好散囉,請問可唔可以將朝早泵出黎既奶(已放入雪櫃)同下一餐新鮮泵出黎既奶溝埋一齊咁雪,然後再一齊冰呢?
2> 暖返D奶比BB食,咩溫度為之適合呢?暖返至室溫左右又得唔得呢?或是要再暖D?
3> 拎D儲備奶出街,我已經買左個保溫袋同埋冰種,請問如果拎雪奶/新鮮泵出黎既奶出街,冰種既溫度可以keep到幾耐呢?幾多個鐘頭要食哂?(因為冰奶慢D溶,但雪奶同新鮮奶就咁拎出街我怕易變壞)
4> 想盡量每餐埋身餵完再泵,奶泵要每次消毒嗎? 即係泵完一餐就消毒,下一餐餵完泵完又消毒?或是幾餐先消毒一次?
唔該哂~~~