BB 而家7個半月大, 唔知點解唔肯食果蓉...
我試過用匙刮蘋果, 將香蕉壓成蓉, 榨橙汁等... 但每次餵 2啖, 佢就伸到條脷好長, 扮作嘔樣俾我睇. 若我將蘋果切粗條, 或一 "楷" 橙咁俾佢, 佢自己拿住又食得好開心. 不過因為佢自己拿住咁樣食, 其實食得唔多, 而且好易整到周圍污糟晒... 所以我先諗住整啲果蓉用匙餵佢~
問題係, 香蕉佢一揸就會爛晒或跣出嚟, 而且黏到啲衫同 cushion 變黑好難洗 
而且 BB 近排最少都要隔 3日先有大便, 所以我諗緊方法點樣可以令佢食到多啲水果落肚~ 有冇媽媽可以分享吓心得?
另外餵水都有問題, 佢唔係好肯飲水/果汁. 佢一向都唔飲奶樽, 若用奶樽餵, 佢寧願喊成個鐘之後攰到瞓都唔食. 而家我用有 2個手柄的學習杯俾佢飲嘢, 不過佢一路都冇自己拿住. 每次餵水/果汁佢只飲2啖, 之後就擰開個頭, 再餵就開始忟... 最終係要埋身食奶! 而家一日飲水量大約只得 50ml. 但午晚餐係食粥仔 (仲要係比較杰的), 
我怕佢水份唔夠會便秘啊~