我個bb啱啱足6個月大, 已經食咗2星期米糊. 宜家一日食到半餐糊(用人奶開), 而飲奶就相對少咗d.
上星期第一次黎period, 個胸就開始唔通, 有少少似乳腺炎. 同婦產科醫生傾過. 佢話生完之後體重大跌, 可能period會早d黎. 而黎period時, 人會比較累, 個胸會比較sensitive & 奶量可能會減少. 到咗今日, period已經完晒, 個胸都係唔通 & 奶量仍未見回升. 昨天去咗lacation consultant到, 推通咗好多. 不過個胸就散晒. 今日泵奶都未見多番.
我係全職湊b. 一開始就好支持餵食人奶, 屋企人上上下下都好支持. 一早講好話餵到12個月. 不過身體好唔爭氣. 體重比未大肚時輕咗15磅 (宜家得90磅). 不過就食得好, 訓得好, 乜都好正常!
到咗昨晚, 我最親嘅媽咪&老公就勸我停餵. 佢地話我餵咗6個月, 已經好叻. 唔應該迫自己個身體造奶. 又話我身體好都係對bb負責任. 我有d心大心細. 因為上星期真係好辛苦, 根本冇力氣/精神同bb玩.
請俾d意見我. 我需要d support!