我bb差不多六個星期大啦，佢最近出現兩個令我好困難既問題。
1. 唔知係唔係開始食人奶開始得唔係幾好，所以佢食奶既時候，開始時佢會妹妹下，然後會好認真咁食一兩分鐘，跟住佢就妹妹下，我都唔知究竟佢有幾多奶係食左落肚，有時見佢咁妹，或者訓著左﹐想換邊俾佢啜，點知佢又咬住跟住又啜番幾下，唔俾佢啜一放落床佢又醒，跟住又扭計，攪到我唔知點算好，佢會唔會係因為食唔飽所以訓唔到呢？因為姑娘話食飽左應該可以訓一兩個鐘。點先可以改善佢既吸啜技巧呀，我怕再係咁我會堅持唔到落去呀。bb應該成日訓，佢咁樣唔訓，我怕會影響健康，有時真係諗不如飲奶粉算了。
2. 第二個問題係佢訓唔到，跟住勁扭，抱佢又訓一陣，一放落床佢又醒再扭過，唔抱佢任佢喊，佢又喊到聲都無都要喊，一喊喊唔停。屋企人話佢已竉壞左，如果係咁，咁點算好呢？我係唔係真係竉壞左佢呢？定係佢唔飽先會係咁呢？
請各位媽媽幫幫忙