你好~我仔仔係早產BB, 我係8個月時已經生左佢, 而家已經剛剛6個月喇, 因為BB出世不夠4磅, 所以要留係醫院成一個月先出得院, BB係醫院期間,我每日都泵奶拎去醫院比BB, 最初一星期既奶量都足夠比BB食一日, 但到左第二個星期開始已經要補1-2餐奶粉, 之後要補奶粉既次數越來越多, 直至上個月都可以維持半人奶半奶粉, 而家佢已經要食6安奶, 因為我要返工既關係, 而且BB係嫲嫲屋企住, 我每日只可以埋身餵佢一次, 仲要次次食完都唔夠, 要補多2安奶, 見到BB係咁啜係咁啜都無奶比佢, 好有內疚感, 覺得好無用, 好唔開心, 返屋企後可以泵2次奶, 每次埋身餵同泵奶相差既時間大約6個鐘, 每次4-5安左右, 根本就唔夠佢食, 我試過4個鐘泵一次, 每次都好少奶, 只得2-3安, 所以我伸延至6個鐘先泵一次, 我已經日日飲木瓜魚湯, 6個月來無一日唔飲, 但都唔覺奶量有增, 唔知點算, 但我唔想放棄, 因為佢雖然係半人奶, 但健康同體重暫時來講都好滿意.