日日飲木瓜魚湯都唔夠奶比BB食, 點算?

救命呀~已經飲左兩日豆漿, 每日3支, 日日都有食飯, 每日埋身餵, 由一次增加到兩次, 泵奶相隔時間由6個鐘, 縮短至4-5個鐘, 但比之前仲少左既, 而家每次泵出來只有3安, 之前都有4-5安, 灰心指數又上升返喇, 唔知我係唔係唔受得豆漿呢? 我好驚回奶呀, 而家都唔知點算

多謝咁多位, 今日我開始飲豆漿, 同埋嘗試泵密D, 聽完你地D意見, 我開始有返信心, 我會為左仔仔努力架喇, THX

唉…我呢幾日又係少左奶呀！都唔明點解！已經好準時泵，但隔幾個星期就會少下奶，又要再泵番密d先得！上次好彩可以多番奶，今次唔知有冇咁好彩！

你話: "我試過4個鐘泵一次, 每次都好少奶, 只得2-3安, 所以我伸延至6個鐘先泵一次"

咁就搞錯左啦! 唔係隔耐D就造多D奶架~ 覺得奶少, 更加要泵得密D~

我自己就覺得木瓜魚湯唔 work, 章魚花生湯就好 work, 可能人人唔同架, 你可以試多幾種~

你試下飲豆漿 同 花生漿丫, 幾好架..... 食多D蔬果, 食飽D, 千祈唔好減肥住呀......開始返工時我都係冇咩奶架, 每邊得2安咋, 現在返左工一個多月, 有時PUMP到一邊有4安呀! 仲有, 因為之前D奶孟孟緊唔多夠食, 我2個星期前開始半夜都起身泵, 泵完飲反D豆漿先訓, 第二朝又邊泵邊餵, 呢個星期開始有多添嘞, 可以放入冰箱添, 加油呀! 我本來一返工得好小奶以為就此玩完, 但係馮住堅持母乳最好的理念, 辛苦都要半夜起身泵奶, 肥都食多D野唔減肥, 悶到死都唔去街, 日日放工即刻趕回家餵奶......我現在寶寶3個半月都係食純人奶架

好多時一冇信心就來呢個網同人傾下計找人幫手, 傾完信心又返晒喇, 希望都幫到你啦!

唔好灰心，盡力做啦。可以的話盡可能埋身多D或者泵多D，因為餵人奶始終係供求問題，餵少咗、泵少咗，自己間廠就會做少D。

至於湯水，我諗不同人有不同反應，我嗰時都係乜嘢木瓜魚湯、章魚排骨湯....全部都好似冇乜用。