唔知係咪有一邊胸之前塞塞哋影響咗, 而家左右胸大小不一, 著咗 bra 同面衫都睇得出大細邊, 
我諗 size 相差成個 cup! 有冇辦法解決呢? 定係要等到我唔餵人奶, 乳房變返懷孕前 size 嗰陣, 呢個差距先會減少呢?
除咗外觀問題, 兩邊胸嘅母乳流量亦都唔同. 細胸出奶比較慢, BB 唔係咁鍾意, 但好在都仲肯啜. 我自己感覺細胸嘅產量亦都較少, 所以而家每次都由細胸餵先, 等 BB 食完唔夠先再俾佢食埋大嗰邊胸. 咁樣餵法餵咗 5日左右, 基本上 BB 次次都唔夠食, 一定要食埋另一邊胸先會停. 
請問仲有冇咩方法可以令細胸的產乳量同流量增加呢?