BB 啱啱滿 4週, 一路都係全人奶. 但係 BB 食奶的時間好唔穩定, 有時隔 1個鐘又索食, 有時食完可以瞓成 4個幾鐘. 之前呢, 通常清晨食得較密, 會連續 3~5個鐘係咁食, 食到我都冇晒奶, 咁我老公就會拿之前泵出嚟的冰奶用奶樽餵 BB 食.
但由昨晚開始, BB 突然食得好密 (最長瞓咗唔夠個半鐘) 同埋點都唔肯食奶樽! 我2邊胸都鬆晒, 感覺完全冇晒奶咁, 於是老公照平時咁用奶樽餵 BB, BB 唔肯食又係咁喊, 喊足成個鐘都係唔食奶樽... 咁我又唯有埋身餵 BB, 但係始終都冇乜奶, BB 食一陣就瞓咗 (可能喊到好攰), 但個肚仔仲係扁扁的. 所以每隔半個鐘左右又醒咗想食奶, 咁我依然冇乜奶, 但 BB 繼續唔肯食奶樽又勁喊... 呢個情況由昨日開始不斷重覆, 我老公餵到好忟, 係咁叫我唔好再餵人奶!
因為 BB 突然食得好密, 加上我又冇時間休息, 所以今日全日都感覺冇奶... 而家 BB 肚仔空空咁瞓, 或者好快又會醒喇...
Help~ 