Bb兩個幾月大,我仲有十幾日就要返工,本來呢幾日正努力緊儲冰奶,我每日半夜三四點哥餐比bb吮一邊之後,就連同另一未被吮過的乳房內的奶一齊泵曬出來做冰奶,勉強加埋都會有3~4oz,之後其他時間都冇再泵奶,因為怕影響bb食奶量,所以每日只係儲到一包4oz的冰奶,但呢兩日問題又出現,就係bb食奶好唔正經,開頭吮幾分鐘,之後就開始每吮三四啖就將頭仔向後仰,然後扯乳頭出來了,之後又吮番三四啖又扯出來,不停又出又入,結果好多風,而且好易逐親又會嘔奶,佢扯乳頭出來後,乳房會不停漏奶,一但逐親之後bb就大喊,好似怕會再逐親點都唔肯再埋乳房,我一打橫抱佢已經勁喊,再扶佢接近乳房時,佢會用盡力向後仰設法同我保持距離,表現好害怕同抗拒,我真係好傷心,唔知可以點做,又唔敢泵奶,bb食得又少,尿片濕片次數也少了,不過大便都有,我見佢又冇特別扭計要食奶,一樣成三四個鍾先食一餐,但每餐都要不停又拍又氹等佢想訓覺時先肯吮耐少少,但一唔小心逐親一咳一咳就會唔肯再吮,會唔會佢已經有陰影以後都唔肯埋身? 我好快要返工la,應該點做?改全泵?但又泵奶餵bb又要儲冰奶我怕好難有咁多奶!我唔想放棄ar......可否幫下我!thank you!