收到以下查詢:
我個bb現已3個月, 近來先識得埋身食母乳, 之前我一直pump出來, 因為由一出身用柸餵食奶粉, 但bb都唔願意埋身, 當時我已經去過幾次健康院揾姑娘幫助, 但都未成功, 係bb兩個月大到終於有次成功埋身食母乳直到現時已經一個月, 但奶量未有增加, 反而以前pump出來既量仲多過而家pump既量, 點解呢?? 而bb每次食大概5-10分鐘開始變得煩躁/睡著, 但當將bb放落床睡覺, 佢會醒/睡大概半個鐘至一個鐘就醒, 有時都嘗試俾bb食奶樽, 但佢好抗拒. 咁我應該點做? 埋身食到幾時奶量先會增加? 我已經飲好多湯水/水, 但奶量都好似無乜增多...