BB 接近4個月, 個半月前返工日頭比保姆湊, 每日有 4 餐用奶樽, weekend 同夜晚埋身餵. 點知保姆湊咗 2-3 星期後 BB 突然日頭唔肯埋身, 天黑先肯埋身... 本身已經唔太夠奶, 每日返工時泵出來的奶只夠 BB 食 2-3 餐 (BB 每餐食 150ml, 每次只泵到 90ml), 而家仲愈來愈少 嘗試同 BB 在房拉哂窗廉佢都唔肯食仲要喊, 又試過用被遮住佢額頭小小都唔得, 佢唔肯埋身另可能因戒埋夜奶後奶量愈來愈少, 再加上早幾日好似發微燒後就更少, 有次泵奶得 40ml 咋 所有魚湯豬腳湯之類的催奶食物都幫唔到, 有冇方法可以引 BB 埋返身?