BB 而家 7 星期大, 在醫院時已被 BB 啜到 2 邊損哂好怕埋身, 再加埋 BB 黃疸留醫照燈搞到好心痛, 怕佢再要入醫院照燈 (再加埋老公迫) 第一星期已補奶粉, 滿月前因為好痛每日只敢埋 1-2 次身, 另有泵比 BB 食, 但由於請著個超廢陪月教唔到我仲搞到好多野要自己做, 每日只可泵最多 4 次, BB 最多 50% 時間食人奶其餘時間食奶粉...
BB 差唔多滿月先開始狂補救, 炒左個陪月後自己日日煲魚湯, 再加埋狂飲多奶茶都唔夠奶, 而家 BB 埋身食都會整痛我但我堅持幾痛都比佢食, 終於達到每日最多只補 2 次奶粉 (有時唔洗補). 但可能 BB 猛長期有時佢連續食 2-3 個鐘仲想食, 食到我見到自己好似冇奶, 好 struggle 因如補奶粉的話身體唔知唔夠奶唔識做多 D 奶, 但唔補奶粉 BB 又喊到好淒涼, 呢 D 情況應狠心迫 BB 繼續啜定比補奶粉?
產假剩返 3 星期想儲定奶但唔知點入手, 但 D 奶基本上係餐餐清 or 日日清, BB 呢排食奶時間又好唔定, 餵完泵又怕佢突然要食時冇奶比佢食, 再唔係就泵完佢轉頭已食哂, 冇理由為儲奶而比佢食奶粉頂檔... 有冇人可幫手比 D 意見?