女女二十一個月,由一出世就全人奶直至而家(而家淨係早晚,因我要返工)。
但有咗第二胎,佢一食我我個胸好唔舒服,完全瞓唔到,所以想戒人奶。
我都有睇過唔少文章,都叫人慢慢戒,同埋同佢講道理,用其他嘢分散佢主意力。但我個女好鍾意飲奶,基本上一抱佢,佢就會好主動咁要求飲(自己揭開我作衫)。半夜又係咁飲,試過俾爸爸氹佢,但佢喊到收唔到聲,最後都係俾佢飲住瞓。
老公叫我離開屋企幾日,去同佢戒奶。但咁突然,我好驚女女會唔開心,好無安全感。
想問下大家:
1)有冇人用過「離家出走」呢個方法同BB戒奶?結果如何?BB反應如何?
2)有冇人可以提供其他方法俾我呢?