你好
我仔仔就黎十個月 四日前半夜佢喊我想餵佢食奶（由三個月開始就埋身食）佢大喊然後推開我。到朝早再試埋身佢又係大喊推開我，我唯有泵出黎學習杯俾佢飲 佢又好享受 仲會回味。隔左兩晚半夜我又試下喺佢半夢半醒餵，佢啜左幾啖就大喊掙扎。到尋日朝我又再試下埋身，佢含住然後起勢咬我仲咬到我流血，我話佢佢就喊兼掙扎。由於泵出黎每日只泵到500毫升左右，原本埋身密密食會多好多奶，而家泵呢個份量仔仔會否唔夠營養？咁嘅情況係咪因為出牙？出左牙有無機會再肯埋身呢？因為我好享受埋身餵佢嘅或感覺亦都打算餵到佢自己唔食，所以好苦惱，佢食奶粉又會吐出黎。
謝謝解答